Eksodha 30:10 - Bhiblia Yo Sawuleka

¹⁰ Kumweko ngu dilembe, Aroni a na maha mhamba yo dihela sionho, txitimwi ka titxheho ta ha txiluveloni ngu mnoha wo dihela sionho, ka ditshiku da mningelo, kumweko ngu dilembe, ene a na maha mningelo ka txona, ngu tiveleko tanu; txiluvelo txiya txi na va txo sawuleka ngutu masoni ka Mkoma.”

Eksodha 30:10 Referans Kwoze

Levhi 16:18

Ngako a di humile, a na ya ka txiluvelo txi txi ku masoni ka Mkoma, a di ni mnoha wa dirole ni wa mabhongwe, e xwayela ngu wona titshokata madhawani ka txiluvelo.

Vahebheru 9:25

Ene kha wulelela ku ti ningela sikhati so tala, nga ti a mahisako tona mphaxeli wa hombe dilembe ni dilembe, a wulelako txiluveloni ko basa, a txi tisa mnoha wo va i si nga wakwe.

Levhi 23:27

Ka ditshiku da wugumi, da mtxima wa wutxhanu ni yimbidi, ditshiku da hombe do divalela sionho: Mi fanete kuramba msengeletano wo sawuleka, mi txi maha mithumo ya kukomba kupandiseka ngu sionho ni kumaha mningelo wa mhamba ya Mkoma.

Vahebheru 9:7

Aniko, ka ditenda da wumbidi ku ti wulela mphaxeli wa hombe ekha, kumweko ngu dilembe, aniko atiya, a ti si ti mahi a sa thanga ngu kumaha mningelo wa mnoha wa kuhiselwa sionho sakwe ni sa vathu.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Mtuletelo 9:13

Se ngelozi ya wutxhanu ni yimweyo yi to veta mpundu wa yona. Konako ni to engisa dipswi di txi huma ngu ka titxheho ta mune ta txiluvelo txa nzalama, atxi txi ku masoni ka Txizimu.

Eksodha 30:9

Mi nga thuki mi txi hisela kona dimwani dibaselo, hambi yimwani mhamba yo hiswa, hambi mningelo wumwani, ni kutheketa txitimwi ka txona so sela.

Eksodha 30:11

Mkoma a wombile ka Mosi a txi khene:

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Levhi 16:16

Ngu toneto, a na maha mhamba yo basisa wukhalo wo sawuleka, awu wu nga nyenyeziswa ngu wubihi, ni sihambunyeto, ni sionho sa vanana va ka Israyeli; a na maha kambe toneto ngu ditenda da msengeletano, adi di ku ngu hagari ka vathu vo mbi lulama.

1 Vafumeli 1:50

Adhoniya a to salisa ngu txithavo ka Solomoni, e khukha a txi ya ñola titshoka ta txiluvelo.

1 Makronika 6:49

Se Aroni ni vanana vakwe, va ti ti hisa mafura o bhumula txitimwi ka txiluvelo txa miningelo ya kuhiswa, ni txitimwi ka txiluvelo txa dibaselo, ka wotshe mthumo wa wukhalo wo Sawuleka ngutu, kasi ku basisa va ka Israyeli, madingano ni totshe ti Mosi, txithumi txa Txizimu, a nga ti leletete.

Levhi 4:7

Mphaxeli a na totela ngu mnoha titshoka ta txiluvelo, ahawa ku hiselwako kona dibaselo ngu masoni ka Mkoma, mu ka ditenda da msengeletano, se a na thela mnoha wu wu nga sala wa dirole, aha ka txiluvelo, txa miningelo yo hiswa, txi ku ngu ha txikeni ka ditenda da msengeletano.

Levhi 4:18

Se ngu wona mnoha wule, a na totela titshoka ta txiluvelo txi txi ku ngu masoni ka Mkoma, ngu mndani ka ditenda da msengeletano. Wumwani mnoha a na wu thela ha txiluveloni ka mhamba yo hiswa, txi ku ngu masoni ka ditenda da msengeletano.