Eksodha 30:1 - Bhiblia Yo Sawuleka

¹ “Kambe u na maha txiluvelo txo hisa ka txona dibaselo, txo mahwa ngu mapulango a setime.

Eksodha 30:1 Referans Kwoze

Mtuletelo 8:3

Yi to ta yi ta ema yimwani ngelozi hafuhi ni txiluvelo, yi di ni txiya txa txiwungelo txa nzalama. Se va to yi ninga dibaselo da dingi kasiku yi di pata ni mikombelo ya votshe vasawuleki, txitimwi ka txiluvelo txa nzalama, txi ku masoni ka txikhalo txa wukoma.

Levhi 4:7

Mphaxeli a na totela ngu mnoha titshoka ta txiluvelo, ahawa ku hiselwako kona dibaselo ngu masoni ka Mkoma, mu ka ditenda da msengeletano, se a na thela mnoha wu wu nga sala wa dirole, aha ka txiluvelo, txa miningelo yo hiswa, txi ku ngu ha txikeni ka ditenda da msengeletano.

Eksodha 40:5

U na veka txiluvelo txa nzalama txa dibaselo do bhumula ngu masoni ka dibhokiso da Wufakazi; sekoko u na hayeka m'jiyo ngu ha txikeni ka ditenda do sawuleka.

2 Makronika 26:16

Mbimo yile Uziya a nga wona ti to wukoma wakwe wu tsani, mbilu yakwe yi to khata kutikulisa, e ndaka Mlayo wa Mkoma Txizimu txakwe, a to wulela Nyumbani ka Mkoma e hisa dibaselo ha txiluveloni ka dibaselo.

1 Vafumeli 6:20

Se nyumba ya siprofeto ngu mndani i ti ti ya magumi mambidi a mikono kulapha, magumi mambidi a mikono kuanama, ni magumi mambidi a mikono kudemba; a to yi tshurisela ngu nzalama yo ya yinene, se e tshulela txiluvelo ngu mkedhari.

Levhi 4:18

Se ngu wona mnoha wule, a na totela titshoka ta txiluvelo txi txi ku ngu masoni ka Mkoma, ngu mndani ka ditenda da msengeletano. Wumwani mnoha a na wu thela ha txiluveloni ka mhamba yo hiswa, txi ku ngu masoni ka ditenda da msengeletano.

Eksodha 30:10

Kumweko ngu dilembe, Aroni a na maha mhamba yo dihela sionho, txitimwi ka titxheho ta ha txiluveloni ngu mnoha wo dihela sionho, ka ditshiku da mningelo, kumweko ngu dilembe, ene a na maha mningelo ka txona, ngu tiveleko tanu; txiluvelo txiya txi na va txo sawuleka ngutu masoni ka Mkoma.”

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Eksodha 30:2

Txi nava ni mkono wumwewo wa kulapha, ni kuanama ka mkono wumwewo, txi na va ni mune wa madhawa o fana, kudemba ka kona ku nava ka mikono yimbidi. Titxheho ti nava tximaha tximwetxo ni txiluvelo.

Eksodha 35:15

txiluvelo txa dibaselo ni mipakato, ni mtona wa kutota, dibaselo do bhumula, ni m'jiyo wa txike txo wulela ngu txona nyumbani ko sawuleka;

Mitengo 3:31

Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.

1 Vafumeli 6:22

Ngu kumaha keto, a to tshurisela yotshe nyumba ngu nzalama, eza e heta yotshe nyumba; ni txiluvelo txi txi nga ti maneka masoni ka nyumba ya siprofeto, a to txi tshulela ngu nzalama.

1 Vafumeli 7:48

Kambe Solomoni a to mahetela sotshe siya si nga ti fanela Nyumbani ka Mkoma: Txiluvelo txa nzalama, ni meza ya nzalama, eho ku nga ti ni mapawu o mbi tshumbelwa,

1 Makronika 6:49

Se Aroni ni vanana vakwe, va ti ti hisa mafura o bhumula txitimwi ka txiluvelo txa miningelo ya kuhiswa, ni txitimwi ka txiluvelo txa dibaselo, ka wotshe mthumo wa wukhalo wo Sawuleka ngutu, kasi ku basisa va ka Israyeli, madingano ni totshe ti Mosi, txithumi txa Txizimu, a nga ti leletete.

1 Makronika 28:18

ni ka txiluvelo txa dibaselo, nzalama yo basiswa ngu mpimo wa yona, a to mninga kambe nzalama ya txikombiso txa txikotxikani, txa makerubhima awa ma nga nawulutwa mabhapi a ona me fenengeta dibhokiso da txitumelelano txa Mkoma.

Ezekhiyele 41:22

Txiluvelo txa mapulango i ti ti txa kudemba ka mikono yiraru, kulapha ka txona i ti ti ka mikono yimbidi, kambe txi ti ti ni makhona a kona; se txitsaniso ni maseta a kona i ti ti sa mapulango; se a to ni gela ku khene: Ayiya i meza yi yi ku masoni ka Mkoma.

Eksodha 31:8

meza ni siya sa yona, se ni phande ya yinene ya malambu, ni sotshe siya sa yona ni txiluvelo txa dibaselo;

Eksodha 39:38

txiluvelo txa nzalama, mafura o tola ni dibaselo do bhumula; nguwo ya m'jiyo wa ha txikeni ka ditenda;

Mitengo 4:11

Ha magandeloni ka kona ka nzalama, va na ateta nguwo ya mkuxe. Se va na fenengeta ngu txifenengeto txa didhowo do hehuka. Ngu msana keto va na veka sikhongwani.