Eksodha 3:9 - Bhiblia Yo Sawuleka

⁹ Konkuwa, huwa ya vanana va ka Israyeli yi hokile kwangu, se kambe ni wona sixaniso si Vaegipta va va xuphako ngu sona.

Eksodha 3:9 Referans Kwoze

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Ekleziyaste 5:8

Ngako u txi wona kuxaniswa ka sisiwana sa ditiko dokari da hombe, ni kulwiswa, ka wukhalo wa wulamuli ni wululamo, u nga xamale ngu mhaka yo nga eyo; nguko awule a ku txitimwi ngutu kupinda vale va ku txitimwi, wa khatala ngu tona; kambe ku ni vo guleka ngutu kupinda vona.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Genesisi 16:11

Ngelozi ya Mkoma, yi to kha yona kambe kwakwe: “U ni txirumbu, se u na veleka mwanana wa mfana, u mraya ditina daku i Ismayeli, nguko Mkoma a engisile kuxupheka kwako.

Dhewuteronome 26:7

Sekoko hi to peka huwa, ka Mkoma, Txizimu txa vatate vathu; se Mkoma a engisile dipswi dathu, e wona wukhumbi wathu, ni mithumo yathu ni kuxupheka kwathu.

1 Samuwele 9:16

Mangwana ngu yo yi mbimo na kurumela m'thu wa ditikoni ka Bhenjamini, awule u no mtota kuva mthangeli txitimwi ka vathu vangu va ka Israyeli, se ene a na txhatxhisa vathu vangu manzani ka Vafilista; nguko ni woni vathu vangu, ni kudila kwawe kuhokile kwangu.

2 Vafumeli 13:4

Sekoko Jehowakazi a to dila masoni ka Mkoma, se Mkoma a to mu engisa; nguko a woni kukhinyavezwa ka Israyeli, nguko a txi va khinyaveza mfumeli wa Siriya.

Genesisi 31:12

Ngelozi yi txi kha yona: “Gula maso ako konkuwa u wona taku, votshe vamabhongwe va landelako mikati mba matshakatshaka, mba sidokhodokho, ni sibawa, nguko ani ni woni totshe ti Labhani a nga ti maha kwako.

Eksodha 1:8

Msana keto, ku to humelela mfumeli wamphya ditikoni ka Egipta, awu a nga ti sa m'ziva Josefa.

Eksodha 2:25

Se Txizimu txi woni wukhumbi wa vanana va ka Israyeli, Txizimu txi to va pfela wusiwana.

2 Vafumeli 20:5

Tshumela u txi ya khawe ka Ezekhiya, mthangeli wa vathu vangu: Mkoma, Txizimu txa tate wako Dhavhidha, a womba tiya: Ni engisile mkombelo wako, ni woni mirongo yako; sekoko ni na kukalamukisa; ka ditshiku da wuraru, u na kwela Nyumbani ka Mkoma.

Nehemiya 9:9

U woni kuxupheka ka vatate vathu kona Egipta, u engisile kudila kwawe, hafuhi ni linene lo Bhilivila.

Masalmo 9:14

kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.