Eksodha 3:8 - Bhiblia Yo Sawuleka

⁸ Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 3:8 Referans Kwoze

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Dhewuteronome 1:25

Va to teka mihando ya dona ditikodo, ve wuya nayo kwathu. Aha va nga ta xawutela va txi kha vona: “Ditiko di Mkoma Txizimu txathu a hi ningako, dinene ngutu.”

Eksodha 13:5

Ngako Mkoma a di mi hokisile ditikoni ka Vakanana, da Vaheti, da Vaamori, da Vahevhi ni da Vajebhusi, adi a nga xambanya ku di ningela ka vatate vanu, ditiko di dikhulungako masi ni wulombe, ditshiku diya mi na di vekisa, ka wona wuwa mtxima.

Jeremiya 11:5

kasi ni na tsanisa txifungo txi ni nga txi xambanya ka vatate vanu: Txa kuvaninga ditiko di khulungako masi ni wulombe, nga ti ku ku ngu tona nyamsi. Sekoko ni to xamula, ni txi khani: Amen, Awe Mkoma!

Mitengo 13:27

Va to ya xawutela tiya ka Mosi, va txi kha vona: “Hi wulete ka ditiko di mi nga hi ruma ka dona; kha ditshuri, di khulunga masi ni wulombe; mihando ya kona ngu yona yiya.

Johani 6:38

Nguko ni txhikile ngu nzumani, i si nga ngu ku tela ku ta maha kuranda kwangu, aniko ngu ku tela ku ta maha kuranda ka wu a nga ni ruma.

Ezekhiyele 20:6

Ka ditshiku dile ni va gulete dianza, kasi ku va humisa ditikoni ka Egipta, va txi ya ka ditiko di ni nga ti va vekete dona, emo ku khulungako masi ni wulombe, i ku wudhundo ka otshe matiko.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Masalmo 34:8

Duketani mipune mi txi ti wona to Mkoma mbwa mnene; a katekile m'thu wule a thembako ene!

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Jeremiya 32:22

U va ningile ditiko di u ngadi xambanya ka vatate vawe ati taku u na va ninga dona, ditiko di di khulungako masi ni wulombe;

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Dhewuteronome 27:3

Se ngu txitimwi ka ona, u na bhala otshe mapswi a mlayo wuwa, ngako u txi thuka u txi ya wulela ka ditiko dile, Mkoma, Txizimu txako, a no kuninga, ditiko dile di khulungako masi ni wulombe, nga ti a nga ku gelisa tona Mkoma, Txizimu txa vatate vako.

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Genesisi 11:5

Sekoko Mkoma, ngu konaho, a to relela, kasi kuya wona didhoropa ni txitezi txi vanana va vathu va nga ti aka.

Johani 3:13

Kha ku na m'thu wu a nga kwela nzumani, hahanze ka wule a nga txhika ngu nzumani, i ku Mwanana wa M'thu.

Isaya 64:1

O! I ti ku wo bhanda nzuma u txhika! I tiku mimango yo zinginika masoni kwako!

Eksodha 34:11

Xayisa ati nyamsi ni ku leletako, ni na tutumisa masoni kwako Vaamori, Vaheti, Vaferezi, Vahevhi ni Vajebhuzi.

Genesisi 18:21

Ni na relela kasi kuya wona tito, ina ngu ditshuri va ti mahile ti ti mangalwako ngu tihuwa ti ti nga kwangula, ti txi hoka tinzeveni kwangu, kani? Ngako i di tona, ni na zumba ni txi tiziva.”

Genesisi 15:14

Aniko ni na tsayisa wukoma wa vathu va va no va va di va fumete, kambe ngu msana, vona va na huma ni tithomba ta hombe.

Nehemiya 9:8

Se u wona kuthembeka ka mbilu yakwe masoni kwako, u maha nayo txitumelelano, txo ninga vanana vakwe ditiko da Vakanana, ni da Vaamori, ni da Vafarezi, ni da Vajebhusi, ni da Vagirigasi; se u tsanisile mapswi ako, nguko u lulamile.

Dhewuteronome 28:11

Mkoma a na andisa sihiwa sa mihando ya mndani kwako, ni sa mihando ya thembweni kwako, ka ditiko di Mkoma a nga xambanya ka vatate vako ti to va na kuthava.

Genesisi 11:7

A hi txhikeni hi txi ya hambanisa lidimi lawe, kasi ku mmwani asi swi a txi engisa lidimi la mmwani.”

Jeremiya 2:7

Ni mi nehile ditikoni ko pfuna, kuva mi ta dya mihando ya kona ni kuzumbiseka ka dona. Aniko hale mi nga wulela ka dona mi di nyenyezisile ditiko dangu; ni thomba yangu mi yi mahile manyala.

Joxuwa 9:1

Se ku to maheka taku, mbimo yile va nga tipfa votshe vafumeli va va nga ti ti mtxhatuko ka Jordhani, mimangoni ni tibalani, ni kotshe mabambe ka Linene la Hombe, ni masoni ka Libhanoni, Vaheti ni Vaamori, ni Vakanana, ni Vaferezi, ni Vahevhi, ni Vajebhusi,

Dhewuteronome 1:7

Tshumelani mi txi tsula mmangoni ka Vaamori, ni ka votshe avale va nga aka hafuhi kwawe, ni libalani ni mmangoni ni mkovani, ni wulambwe, ni lineneni, ni ditikoni ka Vakanana, ni Libhanoni, kala mnamboni wa hombe, i ku mnambo wa Ewufrate.

Mitengo 13:19

Mi wona kambe ditiko da kona tito, ditshurile mwendo di ya tshura, mi txi wona ni miti yi va nga aka ka yona, mwendo nja magovelo, mwendo mikhokhola.

Genesisi 15:13

Sekoko Mkoma a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Genesisi 46:4

Ani ni na relela ni nawe ditikoni ka Egipta, ni na ya maha ti to u tshumela u txi wuya, se Josefa ngene a no vhala maso ako, mbimo yi u no fa.”

Eksodha 5:23

Nguko kukhukhela ni txi ya tikomba ka Faro, ni txi womba-womba nayo ngu ditina dako, ene se a maneka a txi xupha vathu vako, ngu ditshuri, khwa tirula vathu vako!”

Eksodha 12:41

Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.

Dhewuteronome 6:3

Ngu toneto, awe Israyeli, engisa u txi khutalela kuvekisa milayo yiya, u na mana kukateka, kambe u na anda ngutu, ka ditiko di di khulungako masi ni wulombe, nga ti a nga kugela Mkoma, Txizimu txa vatate vako.

Amosi 2:10

Kambe ni mi humisile ditikoni ka Egipta, se ni mi tsimbitisile mune wa magumi a malembe txiwulani, kasi ku mi mana ditiko da Vaamori.

Genesisi 43:11

Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Levhi 20:24

Ani ni mi gete ni txi khani: Anu mi na ya fumela ditiko dawe, ni na mi ninga dona di txi va i di thomba yanu, ditiko edo di khulungako masi ni wulombe. Ani ngani Mkoma, Txizimu txanu, ni nga mi thavisa hagari ka vamwani vathu.

Mitengo 13:18

mi txi ya xola makhalelo a ditiko dileya; mi wona ni vathu va va nga aka ka dona; ti to mbathu va ku ni mtamo. Mi tshumela mi wona kambe ti to mbavangi, mwendo kha va tala.

Joxuwa 5:6

Nguko vanana va ka Israyeli va tsimbite mune wa magumi a malenbe txiwulani, kala kuza va txi guma votshe vathu, i ku vavamna va yimbi, va nga huma ngu Egipta, va nga mbi engisa dipswi da Mkoma, kevo Mkoma a nga ti va xambanyete ti to kha na mbi va leka ve wona ditiko dile Mkoma a nga xambanya ka vatate vawe ku hi ninga, ditiko di di khulungako masi ni wulombe.

Joxuwa 9:7

Se va ka Israyeli va to xamula ka Vahevhi, va txi kha vona: “Kutilava mi akile hagari kwathu; hi nga mahisa kutxani koko txitumelelano ni nanu kani?”

1 Makronika 1:15

ni Vahevhi, ni Vaaraki, ni Vasini,

Masalmo 12:6

Mapswi a Mkoma i mapswi a ditshuri, ngu nga silivhela ya ditshuri, ayi yi nga basiswa nyundoni mtxhanu wa sikhati ni simbidi.

Isaya 36:17

kala kuza ni ta mi teka, ni mi heleketa ka ditiko do fana ni danu, ditiko da fulaho ni vhinya, ditiko da sakudya ni mivhinya.