Eksodha 3:7 - Bhiblia Yo Sawuleka

⁷ Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Eksodha 3:7 Referans Kwoze

Masalmo 145:19

Ene a na maha kunavela ka vale va m'thavako; a na engisa kudila kwawe, kambe a va hanyisa.

Masalmo 106:44

Kambe Mkoma, mbimo yi a nga va wona va txi pandiseka, e engisa kudila kwawe,

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.

Nehemiya 9:9

U woni kuxupheka ka vatate vathu kona Egipta, u engisile kudila kwawe, hafuhi ni linene lo Bhilivila.

Eksodha 22:23

Se ngako ngu mamahelo okari mi txi va xupha, vona va txi dila kwangu, ani ngu ditshuri ni na engisa huwa yawe,

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Masalmo 34:4

Ni lavile Mkoma, se ene a ni xamute, a txi ni hulukisa kambe, aha ka dizowa dangu.

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Genesisi 29:32

Leya a to mana txirumbu e veleka mwanana wa mfana, awu a nga mraya ditina daku i Rubheni, nguko, ene a wombile ku khene: “Txizimu txi woni kupandiseka kwangu. Konkuwa, mwamna wangu a na ni randa.”

Masalmo 22:24

Nguko ene kha soli, kambe kha nyenyi kuxaniseka ka sisiwana kambe kha si tshuraleli. Aniko wa si engisa mbimo yi si kombelako txivhuno.”

1 Samuwele 9:16

Mangwana ngu yo yi mbimo na kurumela m'thu wa ditikoni ka Bhenjamini, awule u no mtota kuva mthangeli txitimwi ka vathu vangu va ka Israyeli, se ene a na txhatxhisa vathu vangu manzani ka Vafilista; nguko ni woni vathu vangu, ni kudila kwawe kuhokile kwangu.

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Masalmo 142:3

“Ngako moya wangu wu txi guma mtamo, awe Mkoma, wa yi ziva nzila yi ni fanelako kuteka yona. Ka nzila yi ni nga txi tsimbila ngu yona, va ni riyete ngu mlawu.

Genesisi 18:21

Ni na relela kasi kuya wona tito, ina ngu ditshuri va ti mahile ti ti mangalwako ngu tihuwa ti ti nga kwangula, ti txi hoka tinzeveni kwangu, kani? Ngako i di tona, ni na zumba ni txi tiziva.”

Mithumo 7:34

Ni woni kuxaniseka ka vathu vangu Egipta, ni kuketa kwawe ni ku pfite, se ni txhikile ku tela ku ta va hulukisa, se konkuwa ngono ni ta kuruma Egipta.’ ”

Genesisi 16:11

Ngelozi ya Mkoma, yi to kha yona kambe kwakwe: “U ni txirumbu, se u na veleka mwanana wa mfana, u mraya ditina daku i Ismayeli, nguko Mkoma a engisile kuxupheka kwako.

Genesisi 21:17

Txizimu txi to engisa kudila ka mwanana, se Ngelozi ya Txizimu, yi di nzumani, yi to dhana Hagari yi txi kha yona: “Njitxani u ku natxo awe Hagari kani? U nga thave, nguko Txizimu txi engisile kudila ka mwanana, txi di ka wukhalo wa txona.

Genesisi 31:12

Ngelozi yi txi kha yona: “Gula maso ako konkuwa u wona taku, votshe vamabhongwe va landelako mikati mba matshakatshaka, mba sidokhodokho, ni sibawa, nguko ani ni woni totshe ti Labhani a nga ti maha kwako.

Genesisi 31:42

I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

Eksodha 5:6

Ngu tona eto, ka donedo ditshiku, Faro a to ninga mthetho ka vaxoli va vathu ni ka vabhali, a txi khene:

Eksodha 5:10

Sekoko vatsimbitisi va mithumo ni vathangeli vawe, va to huma ve womba ka vathu, va txi kha vona: “Faro a ti khene: Kha ni na mbi ngadi ni mi ninga mwasi kambe.

Eksodha 33:13

Ngako i di ditshuri ti to ni mani dithomo masoni kwako, ni kombise tinzila tako, ni na kuziva ni txi wona ti to ni mani dithomo masoni kwako. Pimisa kambe ti to vathu vava, mbathu vako.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

2 Samuwele 22:28

Se awe wa txhatxhisa vathu va va xanisekako, aniko maso ako ma wukela vale va ti guletako, kambe awe wa va wisa hahatshi.

2 Vafumeli 13:4

Sekoko Jehowakazi a to dila masoni ka Mkoma, se Mkoma a to mu engisa; nguko a woni kukhinyavezwa ka Israyeli, nguko a txi va khinyaveza mfumeli wa Siriya.

Masalmo 35:22

Aniko awe, Mkoma, u ti woni nawe! U nga malale! U nga ti hambanise ni nani, Mkoma!

Eksodha 1:8

Msana keto, ku to humelela mfumeli wamphya ditikoni ka Egipta, awu a nga ti sa m'ziva Josefa.

2 Vafumeli 20:5

Tshumela u txi ya khawe ka Ezekhiya, mthangeli wa vathu vangu: Mkoma, Txizimu txa tate wako Dhavhidha, a womba tiya: Ni engisile mkombelo wako, ni woni mirongo yako; sekoko ni na kukalamukisa; ka ditshiku da wuraru, u na kwela Nyumbani ka Mkoma.

Masalmo 9:14

kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.

Masalmo 12:6

Mapswi a Mkoma i mapswi a ditshuri, ngu nga silivhela ya ditshuri, ayi yi nga basiswa nyundoni mtxhanu wa sikhati ni simbidi.