Eksodha 3:6 - Bhiblia Yo Sawuleka

⁶ Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Eksodha 3:6 Referans Kwoze

Luka 20:37

Ni ti to vafi va na wuka, Mosi a kombisile, mbimo yi a nga womba ngu ta txipopo txo tura, a txi khene: ‘Mkoma i Txizimu txa Abrahamu, Txizimu txa Isaake ni Txizimu txa Jakobe.’

Matewu 22:32

“Ani ni Txizimu txa Abrahamu, Txizimu txa Isaake, Txizimu txa Jakobe kani? Txona hi nga Txizimu txa vafi, aniko Njizimu txa va va hanyako.”

Marku 12:26

Ngako i di vafi ni kuwuka kwawe ina kha ma gonda dibhukuni ka Mosi, ngu tiya Txizimu txi nga womba nayo txipoponi txi txi kha txona: ‘Ngani Txizimu txa Abrahamu, Txizimu txa Isaake, Txizimu txa Jakobe?’

Eksodha 4:5

“Kasi kuve kholwa taku a wonekile kwako Mkoma, Txizimu txa vatate vako, Txizimu txa Abrahamu, Txizimu txa Isaake, ni Txizimu txa Jakobe.”

Mithumo 7:32

‘Ngani Txizimu txa vatate vako, Txizimu txa Abrahamu ni txa Isaake ni txa Jakobe’. Mosi a to dhudhumela, asi tsani ni kuwona.

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

Valamuli 13:22

Se Manowa a to khene ka msikati wakwe: “Ngu ditshuri hi na fa, ngu ku hi nga wona Txizimu!”

Jeremiya 32:38

Vona va na va vathu vangu, nanani ni nave Txizimu txawe.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

Masalmo 132:2

Alakanya sixambanyo sakwe, sithembiso si a nga si maha ka Txizimu txa mtamo, txa Jakobe, a txi khene:

1 Vafumeli 19:13

Se mbimo yile Elija a nga dipfa, a to fenengeta khohe yakwe ngu dijasi dakwe e huma hahanze, a to ema ha txikeni ka diphala; se kutota dipswi kwakwe, di nga ti kha dona: Wo maha txani ahawa kani Elija?

Eksodha 29:45

Ni na va ni txi aka hagari ka vanana va ka Israyeli kambe ni na va ni di Txizimu txawe.

Genesisi 32:9

Jakobe a to khene kambe: Txizimu txa tate wangu Abrahamu, Txizimu txa tate wangu Isaake, awe Mkoma, u nga ni gela u txi khawe: “Tshumela u tsula ditikoni kwanu, amu u nga velekelwa kona, ni na kuxayisa ta tinene.”

Genesisi 31:42

I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Genesisi 12:1

Sekoko Mkoma a to khene ka Abramu: “Rura ditikoni kwanu u leka maxaka ako ni nyumba ya vaveleki vako, u tsula ka ditiko di ni no kukomba.

Vahebheru 12:21

Kha ditshuri, mhaka yiya i ti yo thisa ngutu, ahawa Mosi a nga za a txi womba ku khene: “Na dhudhumela ngu kuthava,”

Mithumo 7:34

Ni woni kuxaniseka ka vathu vangu Egipta, ni kuketa kwawe ni ku pfite, se ni txhikile ku tela ku ta va hulukisa, se konkuwa ngono ni ta kuruma Egipta.’ ”

Luka 5:8

Simoni a di woni tiya, a to ti wisa minengeni ka Jesu, a txi khene: “Mkoma, khukha hawa kwangu, nguko ani ni muonhi!”

Matewu 17:6

Mbimo yi va nga engisa mapswi awa, vagondiswa va to wa hahatshi ngu timbanza, va txi telwa ngu dizowa da hombe ngutu.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Ezekhiyele 11:20

kasi kuva txi na tsimbila ngu sileleto sangu, va txi xayisa silayelo sangu ni ku si maha; se vona va na va vathu vangu, ani ni na va Txizimu txawe.

Nehemiya 9:9

U woni kuxupheka ka vatate vathu kona Egipta, u engisile kudila kwawe, hafuhi ni linene lo Bhilivila.

Esteri 3:4

Se ku to maheka koko taku, va di m'gete toneto, ditshiku ni ditshiku, kambe ene asi va engisi, va to ya zivisa Hamani, kasi kuwona ti to mwendo Mordhekayi a na tsanisa mapswi akwe, nguko a ti ti va gete ti to ene Mujudha.

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

Genesisi 24:12

Eyo ene a to kombela, a txi khene: “Mkoma, Txizimu txa nyamne wangu Abrahamu, na ku kombela taku u txi ni vhune nyamsi, u txi mmahela wumbilu nyamne wangu Abrahamu.”

Eksodha 3:16

Tsula u txi ya tshanganisa madhota a ka Israyeli, u txi va gela tiya: Mkoma, Txizimu txa vatate vanu, Txizimu txa Abrahamu, Txizimu txa Isaake, ni Txizimu txa Jakobe, a wonekile kwangu, a txi ni gela tiya: Ngu ditshuri ni mi endete, ni woni ti mi mahwako kona Egipta.

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Genesisi 28:17

A to talelwa ngu kuthava, a txi khene: “Wukhalo wuwa wa thisa ngutu! Ayiya ngu yona Nyumba ya Txizimu ni ditimba da nzumani.”

Eksodha 33:20

A to engeta a txi khene: Khu na mbi sikota kuwona khohe yangu, nguko kha ku nga ni m'thu a ni wonako, e zumba a txi hanya.

Dhewuteronome 6:3

Ngu toneto, awe Israyeli, engisa u txi khutalela kuvekisa milayo yiya, u na mana kukateka, kambe u na anda ngutu, ka ditiko di di khulungako masi ni wulombe, nga ti a nga kugela Mkoma, Txizimu txa vatate vako.