Eksodha 3:5 - Bhiblia Yo Sawuleka

⁵ Txizimu txi ti kha txona: “U nga tshukete hawa; ambula tikathula mikondoni kwako, nguko wukhalo wu u ku ka wona, mafu o sawuleka.”

Eksodha 3:5 Referans Kwoze

Joxuwa 5:15

Sekoko mthangeli wa dibutho da Mkoma, a to khene ka Joxuwa: “Thavisa tikathula mikondoni kwako, nguko wukhalo wu u ku ka wona, mbwo sawuleka.” Se Joxuwa a to maha toneto.

Mithumo 7:33

Se Mkoma a txi khene kwakwe: ‘Thavisa masandazi mikondoni kwako, nguko wukhalo wu u nga ema ka wona, mafu o sawuleka.

Eksodha 19:12

U na komba ka vathu muhingano ngu kurendelekisa, u txi va gela tiya: Mi nga kweleni mmango hambi ni kugwesa makhatoni ka wona. Awule a wu gwesako, a na tsayiswa ngu kufa.

Ekleziyaste 5:1

Xayisa mkondo wako, u txi wulela Nyumbani ka Txizimu; se ti namise ngutu u engisa kupinda kuningela miphaxo ya siphukuphuku, nguko kha si ti zivi ti to si maha wubihi.

Vahebheru 12:20

Nguko, va ti xuleka kulondetela ati va nga ti rumwa ngu dona, ti taku: “Hambi i di txifuyo, ngako txi txi gwesa mmango wuwa, txi na fayetelwe ngu marigwi.”

Eksodha 19:21

Se Mkoma a to khene ka Mosi: “Relela u txi ya zivisa vathu ati to va si tshawunyeti muhingano ngu kulava kuwona Mkoma, kasi ku ku si fi vavangi.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

2 Pedro 1:18

Athu hipune hi di engisile dipswi diya di txi ta ngu nzumani, mbimo yi hi nga ti kumweko nayo ha mmangoni ko sawuleka.

Dhewuteronome 23:14

Nguko Mkoma, Txizimu txako, a tsimbilela hagari ka wugovelo wako, kasi ku kutxhatxhisa ni kuningela valala vako manzani kwako; ngu kumaha keto, wugovelo wako wu na va wo sawuleka, kasi ku asi ku tshuraleli, ngako a txi wona to biha kwako.

Jeremiya 30:21

Mthangeli wawe a na huma ngu ka vona vanyamne, ni mfumeli wawe, a na huma hagari kwawe vapune. Ni na mtshuketisa, a nata kwangu; nguko i mani a khalako kutshuketa kwangu kani? Kuwomba Mkoma.

Eksodha 4:28

Mosi a to xawutela ka Aroni ni totshe ti Mkoma a nga mruma ku ti maha kumweko ni sixamaliso sa hombe asi a nga mruma ku si mahetela.