Eksodha 3:4 - Bhiblia Yo Sawuleka

⁴ Mkoma a woni ti to Mosi wa tenderuka kasiku eya wona. Se Txizimu txi to m'dhana txi txi kha txona: “Mosi! Mosi!” Ene a to khene: “Niho hawa.”

Eksodha 3:4 Referans Kwoze

Dhewuteronome 33:16

mihando ya mafu ni kutala ka yona, ni kateko ya wule a nga aka mu txipoponi. Makatekwa ma nave ha msungo ka Josefa, txitimwi ka msungo wa wule a nga sawulwa hagari ka vanawe!

Mithumo 9:4

Se a to wa hahatshi, e pfa dipswi di txi: “Sawule, Sawule, u ni xanisela txani?”

1 Samuwele 3:8

Mkoma koko, a to engeta e dhana Samuwele da wuraru, se ene a to wuka, e tsula ka Eli, a txiya khene: Ngani wuwa hawa, nguko awe u ni dhani. Sekoko Eli a to pfisisa taku i Mkoma a nga ti dhana mfana.

1 Samuwele 3:6

Se Mkoma a to engeta kambe e dhana Samuwele. Samuwele a to wuka, eya ka Eli, a txiya khene: Ngani wuwa hawa, nguko awe u ni dhani. Aniko Eli, a to khene: Kha na kudhana ani, mwanangu, tshumela u txi ya otela.

1 Samuwele 3:4

Mkoma a to dhana Samuwele, se ene a to khene: “Ngani wuwa hawa!”

Genesisi 46:2

Se Txizimu, amu ka txiwoniso txa wusiku, txi to m'dhana, txi txi kha txona: “Jakobe! Jakobe!” Ene a to orovela, a txi khene: “Ni ho!”

Genesisi 22:11

Aniko ngu nzumani yi to kwangula Ngelozi ya Mkoma yi txi kha yona: “Abrahamu! Abrahamu!” Ene a to orovela, a txi khene: “Ni ho hawa!”

Genesisi 22:1

Se msana keto timhaka, ku to maheka ti to Txizimu txi xola Abrahamu, txi m'gela tiya: “Abrahamu!” Ene a to orovela, a txi khene: “Niho hawa!”

Masalmo 62:11

Ka sikhati sasingi ni engisile mapswi awa Txizimu txi nga womba txi txi kha txona: “Mtamo wu lumba Txizimu.”

Mithumo 10:13

Se ku to pfala dipswi kwakwe, di txi kha dona: “Pedro, khukha u txi ema! Daya u txi dya!”

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

1 Samuwele 3:10

Sekoko Mkoma a to ta ema, e dhana kufana ni simwani sikhati, a txi khene: Samuwele, Samuwele! Se Samuwele a to xamula, a txi khene: Womba-womba, nguko txithumi txako txa engisa.

Genesisi 28:16

Jakobe a to wuka ngu ha wukoheni kwakwe e womba tiya: “Kha ditshuri Mkoma a ho ka wukhalo wuwa, aniko ani ni si ti zivi.”

Eksodha 3:2

Ngelozi ya Mkoma yi to woneka ka Mosi ngu mu ka m'dhikila wa mndilo, hagari ka txipopo. Mosi a to txi wonisisa, e wona ti to txipopo txa tura ngu mndilo, kambe txipopo kha txi gumi ngu kuhya.

Eksodha 4:5

“Kasi kuve kholwa taku a wonekile kwako Mkoma, Txizimu txa vatate vako, Txizimu txa Abrahamu, Txizimu txa Isaake, ni Txizimu txa Jakobe.”

Eksodha 19:3

Mosi a to kwela a txi ya ka Txizimu, se Mkoma a to m'dhana a di mmangoni, a txi khene: U na ya wombisa tiya ka nyumba ya ka Jakobe, u txi huwelela ka vanana va ka Israyeli u txi khawe:

Eksodha 33:12

Mosi a to womba ka Mkoma a txi khene: “Awe Mkoma u ni gete u txi khawe: Humisa vathu vava; aniko khwa ni komba awule u no mruma ni nani. Kambe u ti khawe: Na kuziva ngu ditina dako, se u mani dithomo masoni kwangu.”

Levhi 1:1

Se Mkoma a to dhana Mosi, a txi womba-womba nayo amu ka ditenda da msengeletano, a txi khene: