Eksodha 3:21 - Bhiblia Yo Sawuleka

²¹ Ni na maha ti to vathu vava ve mana kateko masoni ka Vaegipta; ngako mi txi huma, kha mi na mbi tsula mi si nga ni txilo.

Eksodha 3:21 Referans Kwoze

Eksodha 12:36

Mkoma a mahile ti to vathu vakwe ve mana mathomo masoni ka Vaegipta, aha ko Vaegipta va ti ti va ninga si va nga ti si kombela: Ngu mhaka yeto, va ka Israyeli va handile ka Vaegipta so tala nga ti va nga kombelisa tona.

Masalmo 105:37

Txizimu txi humisile vathu va txona, va di rwate silivhela ni nzalama ku ti si nga ho wo lwala hagari kwawe.

Eksodha 11:3

Mkoma a mahile ti to vathu vakwe va txi mana makatekwa, ditikoni ka Vaegipta, masoni ka mahalamu a Faro ni masoni ka vathu votshe.

Mavingu 16:7

Ngako tinzila ta m'thu ti txi tsakisa Mkoma, a maha taku m'thu e mana kuthutha ni valala vakwe.

Masalmo 106:46

Ngu toneto, a mahile ti to va ka Israyeli ve pfelwa wusiwana ngu vale va nga va maha tikhumbi.

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Eksodha 12:35

Vanana va ka Israyeli va to maha nga ti Mosi a nga ti wombile, va to kombela ka Vaegipta siya sa silivhela, siya sa nzalama ni syambalo.

1 Vafumeli 8:50

kambe divalela vathu vako, ngako va di kuonhete ka otshe mazumbelo awe aawa va nga ma hambanisa kwako; va mahele wumbilu masoni ka vale va nga va maha tikhumbi, kasi kuve va pfela wusiwana.

Genesisi 15:14

Aniko ni na tsayisa wukoma wa vathu va va no va va di va fumete, kambe ngu msana, vona va na huma ni tithomba ta hombe.

Eksodha 11:2

Ngu mhaka yeto, gela vathu ti to wamwamna a na kombele ka muakelani wakwe, wamsikati a na kombele ka muakelani wakwe, siya sa silivhela ni sa nzalama.”

Dhewuteronome 15:13

Aniko, ngako u txi mleka e tsula, u nga mleke e tsula asi nga ni txilo manzani kwakwe.