Eksodha 3:19 - Bhiblia Yo Sawuleka

¹⁹ Ani na tiziva ti to Faro, mfumeli wa Egipta, kha na mbi mi leka mi txi tsula, hahanze ko kurumetwa ngu dianza da mtamo.

Eksodha 3:19 Referans Kwoze

Eksodha 6:1

Sekoko Mkoma a to khene ka Mosi: “Konkuwa, u na wona ti ni no maha ka Faro, nguko ngu mhaka ya mtamo wa dianza dangu, ene a na va leka va txi tsula, ni mhaka ya mtamo wa dianza dangu a na va tutumisa ditikoni kwawe!”

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Eksodha 4:21

Se Mkoma a to khene ka Mosi: “Ngako u txi tshumela uya ditikoni ka Egipta, alakanya kuya maha ka Faro sotshe sixamaliso si ni nga si veka manzani kwako; aniko ani ni na bangisa mbilu yakwe ti to asi leki vathu ve huma ve tsula.”

Eksodha 8:28

Sekoko Faro a to khene: “Ni na mi leka mi tsula, mi ya maha mphaxo ka Txizimu txanu txiwulani; aniko mi nga yeni kule; ni khongeleleni nani.”

Eksodha 9:7

Faro a to ruma kuya wona sifuyo sa va ka Israyeli, a txo gelwa ti to ni txa tximwetxo txihari txawe kha txa fa. Hambi keto, mbilu ya Faro yi to simama yi txi banga, kha nga va leka vathu va txi tsula.

Eksodha 9:35

Ngu kumaha keto, mbilu ya Faro yi to engeta kambe yi banga, kambe kha leka vanana va ka Israyeli va txi tsula, nga ti Mkoma a nga ti wombile ngu txisofu txa Mosi.

Eksodha 10:20

Kambe Mkoma a to bangisa mbilu ya Faro, aha ko kha sikota kuleka vanana va ka Israyeli ve tsula.

Eksodha 11:9

Mkoma a to womba ka Mosi a txi khene: “Faro kha na mbi mi engisa, kasiku sidiwukiso sangu si txi anda ditikoni ka Egipta.”

Eksodha 11:10

Mosi ni Aroni va mahetete sidiwukiso sotshe masoni ka Faro. Aniko Mkoma a bangisile mbilu ya Faro, e va lambela kuleka vanana va ka Israyeli va txi tsula, va txi huma ditikoni kwakwe.

Eksodha 13:15

Nguko, ngako Faro a di bangisile mbilu yakwe, asi hi leki hi txi huma, Mkoma a date otshe matiwula a ditikoni ka Egipta, kukhukhela ka matiwula a vathu kala ka matiwula a sihari. Ngu toneto, hi phaxako ka Mkoma ngu matiwula otshe a txiwamna, aniko ha wukhaloni ka vanana vathu va txiwamna hi phaxa ngu sifuyo.