Eksodha 3:13 - Bhiblia Yo Sawuleka

¹³ Sekoko Mosi a to khene ka Txizimu: “Ngako ani ni txi tsula ka vanana va ka Israyeli ni txi ya khani: Txizimu txa vatate vanu txi ni rumile kuta kwanu; se vona va txi ni wotisa va txi kha vona: Ditina da txona i mani kani? Ni na womba ni txi khani txani kani?”

Eksodha 3:13 Referans Kwoze

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Matewu 1:21

a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

Jeremiya 23:6

Judha a na hanyiswa ka masikuyo akwe, ni Israyeli a na zumba ngu kuthutha. Ndide ditina dakwe di a no dhanwa ngu dona: “Mkoma ngene kululama kwangu.”

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Mavingu 30:4

I mani a nga nga kwela nzumani, e gwita e txhika kani? I mani a nga nga fumbareta moya ngu manza kani? I mani a nga nga phutela mati amu ka simaha kani? I mani a nga nga veka mihingano ya mafu kani? I mani ditina dakwe, ni ditina da mwanana wakwe, mwendo wa di ziva kani?

Eksodha 3:14

Se Txizimu txi ti kha txona ka Mosi: “ANI NGANI I KU ANI.” Txizimu txi to kha txona kambe: U na ya womba tiya ka vanana va ka Israyeli: “ANI NGANI, a ni rumile kwanu.”

Genesisi 32:29

Jakobe a muwotisile, a txi khene: “Na ku kombela ni gele ditina dako.” Aniko ene a to mxamula, a txi khene: “Ngu kutxani u txi ni wotisa ditina dangu kani?” Se a to mkatekisa kona hale.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Valamuli 13:17

Se Manowa a to khene ka Ngelozi ya Mkoma: “Ngawe mani ditina dako kani? Kasiku, ngako di txi tatiseka dipswi dako, hi na kudhumisa.”

Valamuli 13:6

Sekoko wamsikati a to wulela e womba-womba ni mwamna wakwe, a txi khene: M'thu wa Txizimu a tile kwangu, a txi wonekisa kuthisa ko fana ni ka Ngelozi ya Txizimu; aniko kha na mu wotisa taku a txi ta ngu hani, hambi ene kha ni gela ditina dakwe.

Eksodha 15:3

Mkoma ngene i ku ndena ya kulwa; ditina dakwe ngene Mkoma.

Mithumo 3:13

“Txizimu txa Abrahamu ni txa Isaake ni txa Jakobe, Txizimu txa vatate vathu txi dhumisile txithumi txa txona Jesu, awu anu mi nga mningela, mi nga mlamba kambe masoni ka Pilato, kasi ene a ti ti lamute ti to a na thukunyulwe.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Eksodha 7:16

Awe u na ya m'gela ku khawe: “Mkoma Txizimu txa Vahebheru, a ni rumile kwako, a khene: Leka vathu vangu va txi huma, kasiku va txi ya ni khozela txiwulani. Nguko kala ni kuwa awe khu lavi ku ni engisa.

Isaya 52:6

Ngu kumaha keto, vathu vangu va na ziva ditina dangu, ngu mhaka yiya ka ditshiku dile, nguko ani nipune ngani ni wombako: “Ngani wuwa!”