Eksodha 3:12 - Bhiblia Yo Sawuleka

¹² Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Eksodha 3:12 Referans Kwoze

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Dhewuteronome 31:23

Se Mkoma a to gela Joxuwa, mwana Nune, a txi khene: “Tsana, uva ni mtamo; nguko ngawe u no hokisa vanana va ka Israyeli, ka ditiko dile ni nga va xambanyela, ani ni na va ni nawe!”

Genesisi 31:3

Mkoma Txizimu a wombile ka Jakobe, a txi khene: “Tshumela u txi tsula ditikoni ka vatate vako, mwani kwanu, ani ni na va ni nawe.”

Eksodha 4:15

Awe u na womba-womba nayo, u txi m'vekela txisofuni kwakwe mapswi awa. Ani ni na va txisofuni kwako ni txisofuni kwakwe, ni txi mi kombisa ati mi fanelako ku ti maha.

Eksodha 4:12

Ngu toneto, tsula, konkuwa, ani ni na va ni nawe txisofuni kwako, kambe ni na kukomba ati u no bwabwata.”

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Mithumo 11:21

Se diwoko da Mkoma di ti navo; vathu votala va to hunduluka ve kholwa ka Mkoma.

Marku 16:20

Se vona va to tsimbila ve txhumayela ka otshe matiko, Mkoma a txi thumisana navo ni kutsanisa dipswi ngu sidiwukiso si si nga ti tsimbilelana nado.

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Masalmo 86:17

Ni mahele txikombiso txa wunene wako, kasiku valala vangu ve txi wona, ve thelwa tingana, ngako va txi wona ti to awe, Mkoma, wa ni vhuna ni ku ni tsanisa!

Isaya 37:30

Txikombiso txa kona ngu txiya: Dilembe diya ku na dyiwa sile si no mila sipune, se ka dilembe da wumbidi, asile si no huma; aniko ka dilembe da wuraru, phayani mi funyela, mi phaya mivhinya, mi dya mihando ya kona.

Valamuli 7:11

U na ya engisa a ti va wombawombako; konako manza ako ma na tsaniswa, se na nawe u na relela wugoveloni kwawe.” Se Gidhiyoni a to tsula ni Pura, dijaha dakwe, kala hafuhi ka wugovelo wawe.

Valamuli 6:21

Ti ndi ngeto, konako, Ngelozi ya Mkoma yi to xungameta ngu tshoka ya ndonga yi nga ti ti nayo manzani, yi gwesa ngu yona nyama ni mapawu o mbi tshumbelwa. Mndilo wu to huma ngu ha ka dirigwi wu txi tura, wu txi hisa nyama ni mapawu o mbi tshumbelwa, se Ngelozi ya Mkoma yi to mwalala, yi si woneki masoni kwakwe.

Valamuli 6:17

Se Gidhiyoni a to m'gela a txi kha ene: Ngako ni di mani dithomo masoni kwako ni mahele txikombiso, kasiku ni txi tiziva ti to ngawe u wombawombako ni nani.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Genesisi 15:8

Se Abramu a to khene kwakwe: “Mkoma Txizimu, ni na ti zivisa kutxani ti to di na va ditiko dangu kani?”

Mithumo 7:7

Aniko ditiko di di nga va maha tikhumbi ni na di abanisa, kha Txizimu; se msana keto, va na huma va ta ni khozela ka wukhalo wuwa.’

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Eksodha 3:13

Sekoko Mosi a to khene ka Txizimu: “Ngako ani ni txi tsula ka vanana va ka Israyeli ni txi ya khani: Txizimu txa vatate vanu txi ni rumile kuta kwanu; se vona va txi ni wotisa va txi kha vona: Ditina da txona i mani kani? Ni na womba ni txi khani txani kani?”

Eksodha 18:5

Jetro, msade wa Mosi, a manekile a txi tsula ni vanana ni msikati wa Mosi, aha a nga ya manana nayo txiwulani, mmangoni ka Txizimu, ahale a nga ti govile kona.

Eksodha 33:14

Mkoma a wombile a txi khene: “Ani ngu wutumbu wangu ni na kupangalata ni na kuhumuta.”

Mitengo 16:28

Sekoko Mosi a to khene: Konkuwa, mi na tiziva ti to Mkoma ngene a nga ni ruma kumaha totshe tiya, kambe totshe tiya kha ti humi ngu mbiluni kwangu.

Mitengo 23:21

Ani kha ni woni dikhombo ka Jakobe, hambi kukarateka ka Israyeli. Mkoma Txizimu txawe a kumweko nayo mndani kwakwe. Mkoma wawe, awu va mahako migiyo ya ku mtsakela.

Valamuli 6:16

Se Mkoma a to mxamula a txi kha ene: “Ani ni na va ni nawe, kambe awe u na va xula Vamidhiyani, ku txi nga u to xula m'thu wammweyo.”

2 Vafumeli 19:29

Txikombiso txa kona ngu txiya: Dilembe diya ku na dyiwa sile si no mila sipune, se ka dilembe di tako sile si no huma; sekoko da dilembe da wuraru, phayani mi funyela, mi phaya mivhinya, mi txi dya mihando ya kona.

Jeremiya 1:8

U nga thave masoni kwawe; nguko ni ni nawe, kasi ku ku hulukisa, kuwomba Mkoma!”

Genesisi 26:3

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Eksodha 8:27

Hi leke hi tsula, hi txi tsimbila mnava wa masiku mararu txiwulani, ngu kona hi no ya phaxa Mkoma, nga ti ene a nga hi gelisa tona.”

Valamuli 6:12

Ngelozi ya Mkoma yi to ta ti wonekisa kwakwe, yi txi kha yona: Mkoma ana ni nawe wamwamna wa ndena!”

1 Samuwele 14:10

Kambe ngako va txi kha vona: Kwelelani mi ta kwathu; sekoko hi na kwelela, nguko Mkoma a na va a di va ningete manzani kwathu; se etxo txi na va txikombiso kwathu.

1 Makronika 9:20

Se Finiyasi, mwana Eleyazari, i ti ti mthangeli hagari kwawe, wule Mkoma a nga ti ni nene.