Eksodha 3:11 - Bhiblia Yo Sawuleka

¹¹ Sekoko Mosi a to khene ka Txizimu: “No va mani ani wa kusikota kuya ka Faro, ni txi ya humisa vanana va ka Israyeli ditikoni ka Egipta kani?”

Eksodha 3:11 Referans Kwoze

1 Samuwele 18:18

Kambe Dhavhidha a to khene ka Sawule: Ni mani ani, ni ku wutomi wangu ngu wuhi, ni mwaya wa tate wangu kona Israyeli, aha koza ni maha mwane wa mfumeli kani?

2 Vakorinto 3:5

Hi nga ti to athu hipune, hi nga sikota kumana mialakanyo ya txilo, nga ya kukhukhela mtamoni kwathu. Ahim-him. Mtamo wathu wuta ngu ka Txizimu.

Eksodha 6:12

Ti di ngeto, Mosi a wombile masoni ka Mkoma, a txi khene: “Wona taku, vanana va ka Israyeli kha va khatala ngu ti ni nga va gela. Se ti nga mahisa kutxani ti to Faro, a txi ni engisa kani? Ani kha ni sikoti kuwombawomba ta tinene.”

Jeremiya 1:6

Sekoko ani ni ti khani: “Oho! Mkoma Txizimu! Wona taku kha ni sikoti kuwombawomba; nguko ni mwanana!”

2 Vakorinto 2:16

Ka vale va lovako, ngu bhumula ko biha ku ku dayako; aniko, ka vale va hanyiswako, ngu bhumula ka kunene ku ningako wutomi. Se, i mani a fanelwako ngu mthumo wo ngeto kani?

1 Vafumeli 3:9

Ninga mbilu yo ziva ka txithumi txako, kasi kulamula vathu vako, ni kuziva ngu ditshuri kuhambanisa hagari ka ta tinene ni to biha; nguko i mani a ndi no lamula vathu vako vo talisa tiya kani?

1 Vafumeli 3:7

Konkuwa koko, awe Mkoma, Txizimu txangu, u fumisile txithumi txako ka wukhalo wa Dhavhidha, tate wangu, se ni ngadi mfana wam'dotho, kha ni kuzivi kuhuma ni kuwulela.

2 Samuwele 7:18

Sekoko mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu, ni ku ngu yihi nyumba yangu, aha koza u ni tisa hawa kani?

Valamuli 6:15

Se Gidhiyoni a to xamula a txi khene: “Mkoma wangu, ni na sikotisa kutxani kuhulukisa Israyeli kani? Nyumba yangu nja wusiwana ngutu hagari ka va ka Manasi, ni nani kambe ni tshole amu nyumbani ka tate wangu.”

1 Makronika 29:14

Nguko ngani mani ani, ni vathu vangu mba mani, vaku hi nga sikota kuninga simaha so fana ni siya, ngu kuranda kwathu kani? Nguko sotshe sita ngu kwako, se ha si ningela manzani kwako.