Eksodha 3:10 - Bhiblia Yo Sawuleka

¹⁰ Na kuruma, tsula ka Faro, u txi ya humisa vathu vangu, vanana va ka Israyeli, ditikoni ka Egipta.”

Eksodha 3:10 Referans Kwoze

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Masalmo 105:26

Se Txizimu txi to ruma txithumi txa txona Mosi ka Aroni, awu txi nga msawula.

1 Samuwele 12:6

Sekoko Samuwele a to khene ka vathu: Mkoma ngene a nga sawula Mosi ni Aroni e humisa vatate vanu ditikoni ka Egipta.

Mithumo 7:34

Ni woni kuxaniseka ka vathu vangu Egipta, ni kuketa kwawe ni ku pfite, se ni txhikile ku tela ku ta va hulukisa, se konkuwa ngono ni ta kuruma Egipta.’ ”

Masalmo 77:20

U tsimbitisile vathu vako kota m'dyisi wa mtxhambi, ngu manza a Mosi ni Aroni.

Mithumo 7:36

Ngene a nga va humisa ngu kumaha sidiwukiso ni sikombiso ditikoni ka Egipta, ni Lineneni ko Bhilivila, ni txiwulani, mndani ka mune wa magumi a malembe.

Hoseya 12:13

Se Mkoma ngu nzila ya mprofeti, a humisile Israyeli ngu Egipta, kambe a xayisilwe ngu mprofeti.

Mithumo 7:6

Txizimu txi mgete, txi txi kha txona: ‘Vatukulu vako va na ya luvela ditikoni ka vane, ve mahwa tikhumbi, ve xaniswa mndani ka mune wa mazana a malembe.

Mithumo 7:7

Aniko ditiko di di nga va maha tikhumbi ni na di abanisa, kha Txizimu; se msana keto, va na huma va ta ni khozela ka wukhalo wuwa.’

Genesisi 15:13

Sekoko Mkoma a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Genesisi 15:14

Aniko ni na tsayisa wukoma wa vathu va va no va va di va fumete, kambe ngu msana, vona va na huma ni tithomba ta hombe.

Eksodha 6:26

Aroni ni Mosi, ngu vale Txizimu txi nga womba kwawe txi txi kha txona: Humisani vanana va ka Israyeli ditikoni ka Egipta, ngu mabutho awe a tiyimbi.

Eksodha 12:40

Vanana va ka Israyeli va zumbile ditikoni ka Egipta mtengo wa 430 wa malembe.

Eksodha 12:41

Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.

Eksodha 33:12

Mosi a to womba ka Mkoma a txi khene: “Awe Mkoma u ni gete u txi khawe: Humisa vathu vava; aniko khwa ni komba awule u no mruma ni nani. Kambe u ti khawe: Na kuziva ngu ditina dako, se u mani dithomo masoni kwangu.”

Eksodha 33:13

Ngako i di ditshuri ti to ni mani dithomo masoni kwako, ni kombise tinzila tako, ni na kuziva ni txi wona ti to ni mani dithomo masoni kwako. Pimisa kambe ti to vathu vava, mbathu vako.

1 Samuwele 12:8

Mbimo yile Jakobe a nga wulela Egipta, vatate vanu va to dila ka Mkoma, se Mkoma a to rumela Mosi ni Aroni, i ku vona va nga humisa vatate vanu Egipta ve ta va veka ka wukhalo wuwa.

Valamuli 6:14

Sekoko Mkoma a to tshembereka e mu wona a txi khene: “Tsula ngu wotshe mtamo wu u ku nawo, u txi ya hulukisa va ka Israyeli, manzani ka Vamidhiyani. Ina hi nga ani ni kurumako kani?”