Eksodha 29:9 - Bhiblia Yo Sawuleka

⁹ U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

Eksodha 29:9 Referans Kwoze

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Dhewuteronome 18:5

Nguko Mkoma, Txizimu txako, a sawute, hagari ka totshe tihunzu tako, kasi ku e maneka masoni kwakwe, a txi maha mthumo wa wukhongeli ngu ditina da Mkoma, ene ni vanana vakwe, kala kupinduka.

Mitengo 25:13

Ku nava kwakwe ni ka liveleko lakwe, msana kwakwe ku nava ni txitumelelano txa wuphaxeli wa kala kupinduka, nguko a khutate ka Txizimu txakwe, e mahela vanana va ka Israyeli, mphaxo wo va tekisa.

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

Mitengo 16:10

Txizimu txi ku tshuketisile awe ni votshe vananu, i ku va ka Levhi, ni ku mi lavako wuphaxeli kambe kani?

Mitengo 3:10

Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”

Levhi 8:33

Kambe msana ka mtxhanu wa masiku ni mambidi, mi nga humeni ha txikeni ka ditenda da msengeletano; kala ka ditshiku di ku no tatiseka masiku a kusawulekiswa kwanu; nguko ka mtxhanu wa masiku ni mambidi, Mkoma a na mi sawulekisa.

Eksodha 40:15

u na va tota nga ti u nga totisa tona tate wawe, se va na va vaphaxeli va mthumo wangu; ngu kutotwa kwawe, wuphaxeli wu na va wawe mbimo yotshe, ngu liveleko ni liveleko.”

Vahebheru 5:10

Nguko, a mahilwe mphaxeli wa hombe ngu Txizimu, madingano ni mlayo wa Melkisedheki.

Eksodha 32:29

Mosi a wombile a txi khene: “Nyamsi ti ningeleni mthumoni ka Mkoma, nguko mmwani a phaxile mhamba ngu mwanana wakwe ni mwanawe, se ka toneto mi katekisilwe nyamsi.”

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Levhi 8:1

Mkoma a wombile kambe ka Mosi a txi khene:

Levhi 8:13

Kambe Mosi a to dhana vanana va Aroni kasiku ve tshuketa hafuri; a to va ambeka mabhaji, e va sunga ngu tibhande, a to va ambeka sigoko nga ti Txizimu, txi nga ti leletile ka Mosi.

1 Samuwele 2:30

Ngu kumaha keto, Mkoma Txizimu txa Israyeli, a khene: Ngu ditshuri ani ni wombile ti taku, nyumba yako ni nyumba ya tate wako, ti na tsimbila masoni kwangu kala kupinduka; aniko konkuwa, kuwomba Mkoma,: Timhaketo ti nave kule ni nani! Nguko ni na thava avale va ni thavako, kambe avale va ni eyisako va na wiswa tingana.

Valamuli 17:5

Se wamwamna wuwa Mika, a ti ti ni nyumba ya sizimu, se a to maha efodhe ni titerafime, a to sawula mmweyo ka vanana vakwe, kasi ku a na va mphaxeli wakwe.