Eksodha 29:7 - Bhiblia Yo Sawuleka

⁷ U na teka mtona wa kutotwa ko gwitisa, u txi wuthela ha msungo kwakwe, se ngu toneto u na va u txi m'tota.

Eksodha 29:7 Referans Kwoze

Mitengo 35:25

Se msengeletano wu na hulukisa m'dayi manzani a mphoteli wa mnoha, kambe msengeletano wu na mtshumeta eya ka didhoropa da wuthavelo, amu a nga ti tutumete kona; eya zumba kona an'ze a txifa mphaxeli wa hombe, awu va nga mtota mafura o sawuleka.

Levhi 21:10

Mphaxeli wa hombe, awu i ku mthangeli hagari ka va ka kwawe, awu a nga thelwa mtona wo totwa ha msungo kwakwe, awu a nga emiselwa ku a txi ambala syambalo sa wuphaxeli, kha na kuleka misisi yakwe yi di vhinganyekete, kambe kha na kuvharulela syambalo sakwe.

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Masalmo 133:2

Kufana ni mafura o bhumula ma nga thelwa ha msungo ka Aroni, ma xililikako ngu maletu, maletu a Aroni; me hoka likasani ka syambalo sakwe.

Masalmo 89:20

Ni mani Dhavhidha txithumi txangu; ni mmahile mfumeli ngu ku mtota mafura o sawuleka.

Levhi 10:7

Kambe mi nga humeni ha txikeni ka ditenda da msengeletano, kuva mi si fi, nguko mtona wo tota wa Mkoma wu ha msungo kwanu. Se vona va mahile nga tona ti Mosi a nga va leletisa tona.

Eksodha 28:41

Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

Levhi 21:12

A nga hume mu nyumbani ko sawuleka, kasiku asi nyenyezisi nyumba yo sawuleka ya Txizimu txakwe, nguko mafura o katekiswa ngu Txizimu txakwe, wu di thetwe ha msungo kwakwe. Ani ngani Mkoma .

Zakariya 4:14

Sekoko ene a to khene kambe: Avava ngu vale vavambidi va nga totwa, va ku masoni ka Mkoma wa otshe mafu.

Eksodha 40:13

U na ambeka Aroni ngu syambalo so sawuleka; u na mtota u txi m'basisa kasiku e thuma mthumo wa wuphaxeli, masoni kwangu.

Levhi 7:35

Adiya didhawa nda Aroni ni vanana vakwe, kukhukhela mbimo yi va nga vekwa kuva vaphaxeli va timhamba ka Mkoma.