Eksodha 29:46 - Bhiblia Yo Sawuleka

⁴⁶ Se va na ziva ti to ani Mkoma, ni Txizimu txawe, ani ni nga va humisa ditikoni ka Egipta, kasiku ni ta zumba hagari kwawe, ani, Mkoma, Txizimu txawe.

Eksodha 29:46 Referans Kwoze

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Ezekhiyele 20:5

se va gele ku khawe: Mkoma a khene: Ka ditshiku dile ni nga sawula Israyeli, ni gulete dianza liveleko la Jakobe, ni txi ti zivanekisa kwawe, ditikoni ka Egipta, se ni guletile dianza kwawe, ni txi khani: Ani ngani Mkoma, Txizimu txanu.

Levhi 19:2

Womba ka wotshe msengeletano wa vanana va ka Israyeli, u txi khawe: Mahani vathu vo sawuleka, nguko ani, Mkoma, Txizimu txanu, ni wo sawuleka.

Levhi 18:30

Ngu toneto, xoniphani sileleto si ni nga mi mahela, mi si londeteli mikhuwo yo biha, ayile va nga yi mahetela vale va nga thanga vona, na mi sinzi kumaneka anu, nguko mikhuwo yoneyo yi nga mi nyenyezisa. Ani ngani Mkoma, Txizimu txanu.

Levhi 11:44

Ani ngani Mkoma, Txizimu txanu. Ti maheni vasawuleki, nguko ani ni msawuleki! Mi nga ti nyenyeziseni ngu mhaka ya sona sihari si si kasako ha mafuni!

Eksodha 25:8

Va na ni mahele nyumba yo sawuleka, kasiku ani ni sikota kuzumba hagari kwawe.

Levhi 26:11

Ni na aka nyumba yangu hagari kwanu, ni moya wangu kha wu na mbi hambana ni nanu.

Masalmo 114:2

Judha a to hinduka eva nyumba yo sawuleka ya Mkoma se Israyeli e maha mfumo wakwe.

Hagayi 2:5

madingano ni dipswi di ni nga pfana ni nanu, mbimo yile mi nga huma ngu Egipta, se Moya wangu wu ti ti zumba hagari kwanu; mi nga thaveni.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Levhi 26:12

Ni na va hagari kwanu, ani ni na va Txizimu txanu, nanu mi na va vathu vangu.

Mitengo 16:3

Se ve tshangana ni Mosi ni Aroni, va txi kha vona: Konkuwa, ta dingana nguko wotshe msengeletano wu sawulekile, ni Mkoma aho hagari ka wona! Ngu kutxani mi txi ti kulisa txitimwi ka msengeletano wa Mkoma kani?

1 Samuwele 10:18

a txi khene ka vanana va ka Israyeli: Mkoma Txizimu txa ka Israyeli a ti khene: “Ani ni humisile Israyeli ditikoni da Egipta, ni mi hulukisa manzani ka Vaegipta ni manzani ka yotshe mifumo yile yi nga ti ti mi xanisa.”

2 Makronika 6:18

Ina ngu ditshuri Txizimu txi ndi na zumba ni vathu ha mafuni kani? Wona taku tinzuma kala ka nzuma ya tinzuma nga ti si sikoti ku u enela ka tona, se ngutu-ngutu nyumba yiya ni nga yi aka.

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!

Ezekhiyele 34:24

Se ani Mkoma, ni na va Txizimu txawe, txithumi txangu Dhavhidha a na va mthangeli hagari ka tona; ani Mkoma, ni wombile.