Eksodha 29:42 - Bhiblia Yo Sawuleka

⁴² Awuwa mningelo wa mhamba yo hiswa wu na va wa mbimo yotshe awule wu no mahwa ngu nganu ngu liveleko ni liveleko ha txikeni ka ditenda da msengeletano, masoni ka Mkoma, ka wukhalo wule ni no tshangana ni nanu kasiku ni womba-womba ni nawe.

Eksodha 29:42 Referans Kwoze

Eksodha 25:22

Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Eksodha 29:41

Txihambana txa wumbidi u na txi ningela ni minova; awe u na txi ningela kumweko ni mningelo wa so sela ku nga mningelo wa mixo; ngu mningelo wo bhumula ko pimela, mhamba yo hiswa, yo mahelwa Mkoma.

Eksodha 29:43

Ngu wonewo wukhalo ni no va ni txi ta manana ni vanana va ka Israyeli, se wu na va i di wukhalo wu wu no va wu txi sawulekiswa ngu wudhumo wangu.

Eksodha 30:36

u na kuya di txi maha lifenyenye u txi di veka masoni ka ditenda da msengeletano, ahale ni no ya manana kona ni nawe. Txingema txiya, kwanu, txi na va i di txingema txo sawuleka ngutu.

Eksodha 33:7

Se Mosi a to teka ditenda a txi ya di gwimba hahanze, kule ni wugovelo, ve di ningile ditina daku ditenda da msengeletano. Ni votshe vale va nga ti lava ku wotisa mhaka ka Mkoma, ayile yi nga ti va karata, va ti ti ya ka ditenda da msengeletano, hahanze ka wugovelo.

Mitengo 17:4

U na ti veka amu ditendani ka msengeletano masoni ka txitumelelano, aha ni tshanganako kona ni nanu.

Mitengo 28:7

Mningelo wa sa kusela wu na va wa mpimo wa wumune wa hini, wa txinvutana txo khata: Vhinya ya yinene yi na thelwa kasi kuninga Mkoma ha wukhaloni ko sawuleka.

Ezekhiyele 46:15

Ngu kumaha keto, mi na lulamisa txinvutana, ni mningelo wa sakudya, ni mtona, mixo ni mixo, i ku mningelo wa kuhiswa wo simama.

Ezekhiyele 43:6

Kambe ni to pfa dipswi di nga ni angula ngu mndani ka dithepele; se wamwamna wokari a to ta hafuhi ni nani,