Eksodha 29:41 - Bhiblia Yo Sawuleka41 Txihambana txa wumbidi u na txi ningela ni minova; awe u na txi ningela kumweko ni mningelo wa so sela ku nga mningelo wa mixo; ngu mningelo wo bhumula ko pimela, mhamba yo hiswa, yo mahelwa Mkoma. Gade chapit la |
Se mfumeli Akazi a to gela mphaxeli Uriya, ku khene: Ka txiluvelo txa hombe, hisa mphaxo wa mixo, ngu toneto kambe ni ka mningelo wa sakudya wa wusiku, ni mphaxo wa mfumeli, ni mningelo wakwe wa sakudya, ni mphaxo wa votshe vathu va ditiko, ni mningelo wawe wa sakudya, ni miningelo yawe ya sa kusela; ni wotshe mnoha wa miphaxo, ni wotshe mnoha wa miningelo yo hiswa, u na xwayela ka txona; sekoko txiluvelo txa koporo txi na lumba ani, ni na mahela kona siwotiso.
Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.