Eksodha 29:40 - Bhiblia Yo Sawuleka

⁴⁰ Ngu txihambana txo khata u na ningela didhawa da wugumi da mpimo wa mpupu wo tsetsetwa ni kukanyangelwa ni didhawa da wumune da mpimo wa hini ya mtona wa miolivha wo surutetwa, ni dimwani didhawa da wumune da mpimo wa hini wa vhinya, kasi kumaha mningelo wa so sela.

Eksodha 29:40 Referans Kwoze

Vafilipiya 2:17

Aniko, hambi idiku mnoha wangu wo theketwa ngu mphaxo wa mhamba, ni kuthumela likholo lanu, na nengela ni va ni tsaka kumweko ni nanu motshe;

Joyeli 2:14

I mani a ti zivako taku Txizimu mwendo txi nga tshumela txi tilaya, ngu msana e mi ninga makatekwa, mi maha miningelo ya sakudya ni sa kusela, ka Mkoma, Txizimu txanu kani?

Ezekhiyele 46:14

Kumweko ni mningelo wule, u na lulamisa mningelo wa sakudya ka Mkoma, mixo ni mixo, lipimo la wutxhanu ni limwelo la efa yimweyo, ni la mtona, lipimo la wuraru la hini, kasi ku patela ni mpupu; atxiya njileleto txa kwa mbi gwita, txo simama.

Ezekhiyele 45:17

Kambe miningelo yiya yo hiswa, yi na va manzani ka mthangeli, ni miningelo ya sakudya, ni sa kusela, amu ka mipipi, ni kumeka ka mtxima, ni Masabbata, ni ka yotshe mipipi ya nyumba ya ka Israyeli; i nava wa kudivalela sionho, ni mningelo wa sakudya, ni mningelo wa kuhiswa, ni mphaxo wa kudikha, kasi kukuwula sionho sa nyumba ya ka Israyeli.

Isaya 57:6

Amu ka marigwi o swililika a sinambwanani, ku ni txyavelo txako; asiya ngu sona i kuthomba yako; kambe ka sona u thela sa kusela kwako, se u txi si ninga miningelo; ina ani ni ndi na tsakiswa ngu sona eso kani?

Levhi 23:13

Se mningelo wa mhamba yo hiswa, kulaveka kumaha mningelo wa mtxhanu wa makilu ni mararu a mpupu wa wunene, wo vhuwa ni mtona, ti to wu txi hiswa ngu kudhumisa Mkoma, mhamba yiya njo bhumula, yi tsakisa mbilu yakwe; mhamba ya sa kusela, yi na va ya mmbamba wa vhinya.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Joyeli 1:9

Ku wilisilwe mningelo wa sakudya, ni sa kusela Nyumbani ka Mkoma; vaphaxeli, i ku sithumi sa Mkoma, va pandisekile.

Ezekhiyele 46:11

Amu ka mibuso, ngu mbimo ya mipipi, ku nava mningelo wa sakudya wa efa yimweyo, ka dirole dimwedo, ni efa yimweyo ka hamba yimweyo; aniko ngu txinvutana, a na ningela si a no si mana; ngu mtona i nava hini yimweyo ka efa yimweyo.

Ezekhiyele 46:7

Mthangeli a na lulamisa efa yimweyo kasi ku va mningelo wa sakudya ngu dirole dimwedo, ni efa yimweyo ngu hamba, aniko ngu sinvutana, a na ninga si a no si mana manzani kwakwe; ni hini yimweyo ya mtona ngu efa yimweyo.

Ezekhiyele 46:5

Se mningelo wa sakudya, i nava wa efa yimweyo ngu hamba; ngu nvuta yimweyo, mningelo wa sakudya i nava wu a no sikota kuningela wona; ni hini yimweyo ya mtona, ka efa yimweyo ni yimweyo.

Ezekhiyele 45:24

Kambe a na lulamisa mningelo wa sakudya: Efa yimweyo ka dirole dimwedo, ni efa yimweyo ka txinvutana tximwetxo, ni hini yimweyo ka efa yimweyo ni yimweyo.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Ezekhiyele 4:11

Kambe u na sela mati ngu kupimela, mabhikiri mambidi ngu ditshiku; u na sela ngu mbimo ni mbimo.

Dhewuteronome 32:38

Si hani si si nga ti ti dya mafura a tihamba tawe, asi si nga txi sela vhinya yawe ya miningelo kani? Si na khukhe si txi ta mi emela, si txi ta mi vhikela.

Mitengo 29:16

Ni mabhongwe, kasi kuthavisa sionho sanu, hahanze ka mphaxo wa kuhiswa wa yotshe mbimo, mningelo wa kona wa sakudya, ni sa kusela sa kona.

Mitengo 28:24

Madingano ni mamahelo awa, ditshiku ni ditshiku mi na ningela, mndani ka mtxhanu wa masiku ni mambidi, mningelo wa sakudya sa mphaxo wa kuhiswa, wo bhumula, ka Mkoma; hahanze ka mphaxo wa kuhiswa wa yotshe mbimo, ku na ningelwa siya, ni sa kusela sa kona.

Mitengo 28:10

Awuwa ngu wona mphaxo wa kuhiswa wa Sabbata ni Sabbata, kuleka mningelo wa kuhiswa wa ditshiku ni ditshiku, ni mningelo wa sakudya ni sa kusela.

Mitengo 28:5

se mpimo wa wugumi wa efa ya mpupu wo tshura, wu na va mningelo wa sakudya, wo kanyangelwa ngu mpimo wa wumune wa hini ya mtona.

Mitengo 15:24

Ngako i di kuonha ngu phazamo, na msengeletano wu sa nga tiziva, se wotshe msengeletano wu na ningela didhuna da mningelo wo hiswa, wo bhumula, masoni ka Mkoma, ni mningelo wa sakudya, ni sa kusela, madingano ni txileleto txa kona; msengeletano wu na ningela ni mabhongwe, kasi kumaha mphaxo wa kona.

Mitengo 15:7

amu ka mpimo wa wuraru wa hini wa vhinya, kasi kumaha mningelo wa sa kusela, u na ningela ngu so bhumula, asi si tsakisako Mkoma.

Eksodha 30:24

ni mtxhanu wa makilu ni dimwedo a kasiya, ngu mpimo wa kunemela ka dixekele dimwedo da mu ditendani ko sawuleka, ni hini yimweyo ya mtona wa olivha.

Eksodha 16:36

Mpimo wu wu dhanwako ti to i homeri ngu didhawa da wugumi da efa.

Genesisi 35:14

Jakobe a to emisa dirigwi da txialakanyiso, ha wukhaloni hale Txizimu txi nga womba-womba nayo, dirigwi diya txitimwi ka dona a nga phaxa mhamba ya vhinya, e thela kambe mtona.

Eksodha 29:39

U na ningela txihambana tximwetxo ni mixo, ni minova u na ningela tximwani txihambana.

Eksodha 29:41

Txihambana txa wumbidi u na txi ningela ni minova; awe u na txi ningela kumweko ni mningelo wa so sela ku nga mningelo wa mixo; ngu mningelo wo bhumula ko pimela, mhamba yo hiswa, yo mahelwa Mkoma.

2 Vafumeli 3:20

Ku to maheka ti to ni mixo, mbimo ya mningelo wa sakudya, mati ma txi ta ngu nzila ya Edhomi, se mafu ma to tala ngu mati.

Hoseya 9:4

Kha va na mbi humesela vhinya Mkoma, hambi miningelo yawe kha yi na mbi mtsakisa; ka vona miphaxo yawe yi na fana ni sakudya sa txidilo; votshe vale va no sidya va na nyenyeziswa ngu sona, nguko sakudya sawe si na va so enela vona; kha si na mbi wulela Nyumbani ka Mkoma.

Levhi 6:13

Mndilo wu na tura yotshe mbimo ha txiluvelo; kha wu na mbi timeka.

Mitengo 4:16

Kambe Eleyazari, mwana Aroni, mphaxeli, ngene a no maha mthumo wo xayisa mtona wa malambu, ni dibaselo do bhumula, ni mphaxo wa sakudya, ka otshe masiku ni mtona wo tota, ni wotshe mthumo wo xayisa dithepele, ni sotshe asi si manekako; i ku wukhalo wo sawuleka, ni siya sa kona.”