Eksodha 29:36 - Bhiblia Yo Sawuleka

³⁶ Ditshiku ni ditshiku u na maha mningelo kambe wa dirole da matune, kasi kumaha mningelo wo dihela sionho. U na maha mningelo ha txiluveloni kasi ku txi basiswa sionho, ngako u txi maha ngu kudihela sionho, u na txi tota ni ku txi sawulekisa.

Eksodha 29:36 Referans Kwoze

Vahebheru 10:11

Kha ditshuri, mphaxeli wuhi ni wuhi wa Txitumelelano txa Kale, a humelela ngu mthumo wakwe wa kukhozela, otshe masiku, a txi wuyelela kuphaxa yoneyo mhamba ya yimweyo, sikhati sasingi, kambe yona kha yi sikoti kufuvisa txionho.

Eksodha 30:26

U na tota ngu ona ditenda da msengeletano ni dibhokiso da txixambanyo,

Ezekhiyele 43:27

Ngako va di xayisile masiku awa a mtxhanu ni mambidi, kukhukhela ka ditshiku da wutxhanu ni mararu kuya masoni, vaphaxeli va na lulamisela miningelo yanu yo hiswa, txitimwi ka txiluvelo, ni miphaxo yanu ya kudikha; se ani ni na tsakiswa ngu nganu, kuwomba Mkoma Txizimu.

Ezekhiyele 43:25

Mndani ka mtxhanu wa masiku ni mambidi, u na lulamisa mabhongwe mmweyo ditshiku ni ditshiku, kasi kudivalela sionho; kambe mi na lulamisa dirole, ni hamba ya mtxhambini, ya kwa mbi na txibawa.

Mitengo 7:1

Ngu ditshiku di Mosi a nga gwitisa kuaka Ditenda da Msengeletano, a to di tota mafura, ni ku di katekisa, kumweko ni sotshe simaha sa dona, ni txiluvelo.

Levhi 16:27

Aniko dirole ni mabhongwe, sa mningelo wa kuthavisa sionho, asile mnoha wa sona wu nga tiswa kasi kubasisa wukhalo wo sawuleka, si fanete kuyiswa hahanze ka wugovelo; si txi ya hiswa kona, i ku didhowo, nyama, ni masembe a kona.

Ezekhiyele 43:20

Kambe u na teka mnoha wa kona, u txi wu veka ka mune wa makhona, ni ka mune wa titshulu ta m'dhweva, ni ka likasa lo ranganyeta, u na mahisa eto kusawulekisa ni kudivalela sionho.