Eksodha 29:34 - Bhiblia Yo Sawuleka

³⁴ Nga ti ku txi sala kala mangwanani ka kona didhawa da nyama ni mapawu a kona, asi si nga mahwa mningelo wa kuningelisiswa, u na si hisa ha mndiloni; kha si na mbi dyiwa, nguko nzilo so katekiswa.

Eksodha 29:34 Referans Kwoze

Levhi 8:32

Asi si salako sa nyama ni mapawu, si fanete si tshotshwa ha mndiloni.

Eksodha 12:10

Ni txa tximwetxo txi nga sale kala mangwanani ka kona, ngako ku txi sala txokari, mi nata txi hisa mangwanani ka kona ni mixo ha mndiloni.

Levhi 10:16

Konako, Mosi a to wotisa ti va nga maha ngu mabhongwe wa mhamba yo divalela txionho, aniko ene mabhongweyo na a ti hisilwe. Mosi a to henya ngutu e henyela Eleyazari ni Itamari, vanana va Aroni, avale va nga ti sate va txi hanya, a txi khene:

Eksodha 29:28

Atiya ti nava mthetho wo mbi na magwito, awu Aroni ni vanana vakwe va no wu amukela ngu ka vanana va ka Israyeli, nguko i mningelo wa hombe; wu na va mningelo wu va ka Israyeli va no wu maha kasiku dhumisa Mkoma, ngu txitimwi ka miningelo yawe ya miphaxo yo thutha.

Eksodha 29:26

U na teka khana ya hamba ya kusawulekiswa ka Aroni, u txi yi ndiwitela ati to ku txi maha mhamba ya ku ndiwitela masoni ka Mkoma, se eto txi na va i di txyavelo txako.

Eksodha 29:22

Ngu msana u na teka ka hamba, mafura, dibhesa, mafura aale ma pomelako masembe, diwomba da txivindi, titsho ta timbidi, ni mafura a txona, ni dithumbi da txinene, nguko hamba yiya nja mhamba ya ku emiselwa wuphaxeli.

Eksodha 16:19

Se Mosi a ti khene kwawe: “Ni wammweyo a nga veke so ta dya mangwana.”

Eksodha 23:18

U nga ningele mnoha wa mphaxo wangu kumweko ni dipawu do tshumbelwa; kambe ku nga sale mafura a ku ni lumba amu ka m'buso, kukhukhela wusiku kala ni mixo.

Eksodha 34:25

U nga phaxeli ha magandeloni kwangu ngu mnoha ni mapawu o tshumbelwa, mphaxo wa M'buso wa Pasika kha wu na mbi zumba wotshe wusiku kala mangwana.