Eksodha 29:32 - Bhiblia Yo Sawuleka

³² Aroni ni vanana vakwe va na va va txi dya nyama ya hamba, kumweko ni mapawu aale ma ku mu ka txirundu va di ha txikeni ka ditenda da msengeletano;

Eksodha 29:32 Referans Kwoze

Matewu 12:4

Ti to ene a wulelisite kutxani nyumbani ka Txizimu, e dya mapawu a mphaxo, aawa ma nga ti si faneli kudyiwa ngu ngene ni va a nga ti navo, kambe ma ti fanela kudyiwa ngu vaphaxeli vokha, kani?

Eksodha 29:23

U na teka kambe dipawu, txibhubhutela txo thelwa mtona ni txibhubhutela atxi txikumu ka txirundu txa mapawu o mbi tshumbelwa, aale ma ku masoni ka Mkoma.

Eksodha 29:31

Ngu msana u na teka hamba ya mningelo wa mhamba u txi bhika nyama ya kona, aha ka wukhalo wo sawuleka.

Eksodha 29:33

se va na dya silo si si nga mahwa sa mningelo wo dihela sionho sawe, mbimo yile va nga ningelisiswa ni kusawulekiswa. Ni wammweyo m'thu wa hahanze kha na mbi dya, nguko nza kudya so katekiswa.

Levhi 8:31

Se Mosi a to khene ka Aroni ni ka vanana vakwe: Bhikani nyama mi di ha txikeni ka ditenda da msengeletano, mi txi yi dyela kona, kumweko ni mapawu ale ma ku txirunduni ka miningelo ya mhamba, nguko Txizimu txi ni leletete, ti to Aroni ni vanana vakwe, ngu vona va ku ni fanelo yo si dya.