Eksodha 29:27 - Bhiblia Yo Sawuleka

²⁷ U na sawulelekisa khana ayi yi nga ningelwa, ni mnenge wu wu nga thaviswa, awu u nga wu ndiwitela, ni ku wu thavisa ngu kuhambanisa aha ka txihambana txa mhamba yo sawuleka, ayi yi nga maha ya Aroni ni vanana vakwe.

Eksodha 29:27 Referans Kwoze

Mitengo 18:11

Asi ni sona si na maha sako: Miningelo yi vanana va ka Israyeli va humisako, ka sotshe si si guletwako ngu txikombiso txa mningelo, va txi si ningela ngu kwako, ni ka vanana vako, va mazambi ni vamahorana, eto ti nava mlayo wa yotshe mbimo. Se votshe ava va nga sawuleka ka nyumba yako, va na ni fanelo ya kusidya.

Levhi 10:15

Va ka Israyeli va na tisa khana ni mnenge wa txihari, asi si nga mahwa mningelo wa mhamba ya mpatano, kumweko ni mafura, kuve si mahwa mningelo wo ndiwitela, masoni ka Mkoma, etxo njiavelo txi txi lumbako awe ni vanana vako, kala kupinduka, madingano ni ti Mkoma a nga rumisa tona.

Dhewuteronome 18:3

Asiya koko si dingana kuamukelwa ngu vaphaxeli, ka vathu vale va mahako mhamba ngu homu, mwendo ngu txifuyo txatxidotho, ngu siya: Va na ningela ka mphaxeli, txiphanga, ni milaka ni divhi.

Vahebheru 7:28

Kha ditshuri, mlayo wu vekile vaphaxeli va i nga ti vathu va dikhodo. Aniko, dipswi da txixambanyo di nga humelela msana ka Mlayo wa Mosi, di vekile Mwanana wu i ku Mphaxeli wa kuhetiseka ngu ha ku si gwitiko.

Mitengo 6:20

Se mphaxeli a na si maha mningelo wa lisima masoni ka Mkoma. Sona mningelo wo sawuleka wa mphaxeli, kumweko ni khana yi yi nga ningelwa, ni mningelo wu wu nga siyetwa. Msana keto, Mnazira a nga sikota kusela vhinya.

Levhi 9:21

Ngu khana ni txiphanga txa txinene, Aroni a to si maha mningelo wo ndiwitela, masoni ka Mkoma, nga tonti Mosi a nga wombisa tona kukhatani.

Levhi 7:37

Ayiya mithetho nja timhamba ta mningelo wo hiswa, mningelo wa sakudya, ngu timhamba ta txionho, timhamba ta minandu, ta kutotwa ka vaphaxeli, ni timhamba ta mpatano.

Eksodha 29:26

U na teka khana ya hamba ya kusawulekiswa ka Aroni, u txi yi ndiwitela ati to ku txi maha mhamba ya ku ndiwitela masoni ka Mkoma, se eto txi na va i di txyavelo txako.

Eksodha 29:28

Atiya ti nava mthetho wo mbi na magwito, awu Aroni ni vanana vakwe va no wu amukela ngu ka vanana va ka Israyeli, nguko i mningelo wa hombe; wu na va mningelo wu va ka Israyeli va no wu maha kasiku dhumisa Mkoma, ngu txitimwi ka miningelo yawe ya miphaxo yo thutha.

Levhi 7:30

Ngu manza akwe apune a fanete kumaha mningelo wa si si lumbako Mkoma, i ku mafura ni khana; khana yi fanete kuningelwa ngu ku yi ndiwitela masoni ka Mkoma.

1 Samuwele 9:24

Ngu kumaha keto, mbhiki a to gula txiphanga txa nyama ni si si nga ti nayo, eya si veka masoni ka Sawule. Se Samuwele a to khene: Wona taku ayiya i nyama yi ni nga kusiyela; phamela u txidya, nguko hi vekete awe, kutadya, nga ha ni wombako: Ni rambile vathu. Ngu kumaha keto, ka ditshiku dile Sawule a to dya ni Samuwele.