Eksodha 29:26 - Bhiblia Yo Sawuleka

²⁶ U na teka khana ya hamba ya kusawulekiswa ka Aroni, u txi yi ndiwitela ati to ku txi maha mhamba ya ku ndiwitela masoni ka Mkoma, se eto txi na va i di txyavelo txako.

Eksodha 29:26 Referans Kwoze

Levhi 8:29

Se Mosi a to teka khana ya hamba, e maha ngu yona txikombiso txa mhamba, e yi ndiwitela masoni ka Mkoma. Khana ya hamba ayi yi nga mahwa mningelo wo katekiswa yi lumba Mosi, nga ti Mkoma a nga leletisa tona.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.

Levhi 7:34

Nguko khana yi ningelwako na ku txi mahwa mhamba yo ndiwitela, ni txiphanga txa txinene, txi txi phawuswako kasi kumaha txyavelo, nzimaha si ani ni nga ti vekela ka totshe ti ti mahwako ngu va ka Israyeli, kasiku ni si ningela ka mphaxeli Aroni ni vanana vakwe. Mthetho wuwa mbwo kala kupinduka, awu va ka Israyeli va ku ni fanelo yo wu xonipha.

Levhi 7:31

Se mphaxeli a na hisa mafura ha txiluveloni, aniko khana yi na ningelwa ka Aroni ni vanana vakwe.

Eksodha 29:27

U na sawulelekisa khana ayi yi nga ningelwa, ni mnenge wu wu nga thaviswa, awu u nga wu ndiwitela, ni ku wu thavisa ngu kuhambanisa aha ka txihambana txa mhamba yo sawuleka, ayi yi nga maha ya Aroni ni vanana vakwe.

Levhi 7:30

Ngu manza akwe apune a fanete kumaha mningelo wa si si lumbako Mkoma, i ku mafura ni khana; khana yi fanete kuningelwa ngu ku yi ndiwitela masoni ka Mkoma.

Levhi 9:21

Ngu khana ni txiphanga txa txinene, Aroni a to si maha mningelo wo ndiwitela, masoni ka Mkoma, nga tonti Mosi a nga wombisa tona kukhatani.

Levhi 14:12

Sekoko, mphaxeli a na teka txinvhutana tximwetxo e maha mhamba yo dihela minandu, kumweko ni mtona, e si ningela ngu ku si ndiwitela, masoni ka Mkoma.