Eksodha 29:25 - Bhiblia Yo Sawuleka

²⁵ Se u na si teka manzani kwawe, u txi si hisa ha txiluveloni, ngu txitimwi ka mningelo wo hiswa wo mahela Mkoma.

Eksodha 29:25 Referans Kwoze

Levhi 8:28

Msana keto, Mosi a to teka ngu manza akwe, a txi si hisa ha txiluveloni, txitimwi ka mningelo wa mhamba yo hiswa. I mhamba yo katekisa ayi yi nga mahelwa kudhumisa Mkoma, yo bhumula, yo tsakisa kunavela kwakwe.

Eksodha 29:41

Txihambana txa wumbidi u na txi ningela ni minova; awe u na txi ningela kumweko ni mningelo wa so sela ku nga mningelo wa mixo; ngu mningelo wo bhumula ko pimela, mhamba yo hiswa, yo mahelwa Mkoma.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

Levhi 10:13

Mi fanete ku si dyela ha wukhaloni ko sawuleka. Nguko njiavelo txi txi lumbako awe, ni vanana vako, ka miningelo yo hiswa ayi yi mahelwako Mkoma. Ngu yi mithetho ni nga yi amukela.

Levhi 7:25

Ngako m'thu a txi dya mafura a txihari txi txi nga mahwa mningelo ka Mkoma, a na tutumiswa aha ka msengeletano wa va ka kwawe.

Levhi 7:5

Se mphaxeli a na hisa ona mafurayo aha ka txiluvelo, kasi kudhumisa Mkoma. Etxo njimaha txo sawuleka ngutu.

Levhi 3:16

Otshe mafura ma nava a Mkoma; mphaxeli a fanete ku mahisa ha txiluveloni. Nzakudya si si ningelwako kumweko ni mhamba, ti to si na hiswa, kasi kutsakisa Mkoma, ngu kubhumula ka sona.

Levhi 3:14

Msana keto, a na maha mningelo ngu yona, yi maha mhamba yo hiselwa Mkoma, i ku mafura awa ma pomelako masembe, ni otshe mafura awa ma pambiyetako,

Levhi 3:11

Se mphaxeli a na si hisa sotshe ha txiluveloni; nzakudya sa mningelo wo hiswa ka Mkoma.

Levhi 3:9

Sekoko ka wona mphaxowo wa kuthutha, asiya si fanelako kuhiswa si maha mhamba ka Mkoma, ngu mafura, mkila wo wilwa ta tinene ngu ha tshina, ni otshe mafura, ni mafura otshe ma ku mndani ka mrumbu wa txihari,

Levhi 3:5

Se vanana va Aroni, va na si hisa sothseso ha txiluveloni, kumweko ni mningelo wo hiswa, wu wu no hiswa txitimwi ka tikhuni. Awu mningelo wu na hiswa kasi kudhumisa Mkoma, yi txi maha mhamba ya ku mtshakisa.

Levhi 3:3

Ka yona mhamba yiya ya kudikha, mphaxeli a na hisela Mkoma otshe mafura ma ku mndani ka mrumbu wa txihari.

Levhi 2:16

Ngu kumaha keto, mphaxeli a na hisa txialakanyiso ngu tindoho takwe to sinzwa, ni mtona, ni dotshe dibaselo da kona; ewo mningelo, wo hiswa ka Mkoma.

Levhi 2:9

Se mphaxeli a na hungula ka wona didhawa di i ku da txialakanyiso, kasi ku e wu hisa aha ka txiluvelo. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.

Levhi 2:2

A na wu teka e wu yisa ka vaphaxeli, vanana va Aroni, aha mmweyo wawe a no wela dianza di txi tala ngu mpupu wonewo, wu ku ni mtona ni dibaselo, a txi si hisa ha txiluveloni, si txi va i di txialakanyiso. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.

Levhi 1:13

Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Eksodha 29:18

Ngu toneto, u na hisa hamba yotshe ha txiluveloni; mningelo wa kuhiswa wo lumba Mkoma, wo bhumula, mningelo wuwa mbwo mahela Mkoma.

Eksodha 29:24

U na si veka sotshe manzani ka Aroni ni manzani ka vanana vakwe, u txi si ndiwitela masoni ka Mkoma.

Levhi 2:11

Mningelo wuhi ni wuhi wa sakudya, awu wu mahelwako Mkoma, wu nga ve wa simbwanda so tshumbelwa; kambe mi nga theleni mtshumbelo hambi wulombe, ka mningelo wuwa wo hiselwa Mkoma.

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.