Eksodha 29:22 - Bhiblia Yo Sawuleka

²² Ngu msana u na teka ka hamba, mafura, dibhesa, mafura aale ma pomelako masembe, diwomba da txivindi, titsho ta timbidi, ni mafura a txona, ni dithumbi da txinene, nguko hamba yiya nja mhamba ya ku emiselwa wuphaxeli.

Eksodha 29:22 Referans Kwoze

Eksodha 29:13

U na teka otshe mafura awa ma pomelako masembe, diwomba da txivindi, titsho ta timbidi ni mafura a kona, aale ma ti pomelako, u txi si hisa kasi ku u txi tuvikisa wutshi ni kubhumulisa, ngu txitimwi ka txiluvelo.

Mitengo 18:18

Se nyama ya kona yi na kulumba, kumweko ni khana yo ndiwitelwa, u na wila mnenge wa txinene u txi dya.

Levhi 10:14

Khana yi yi nga ndiwitelwa ni mnenge wu wu nga sala, u na ya si dyela ha wukhaloni ko sawuleka, awe ni vanana vako vavafana ni vamahorana, nguko njiavelo txi txi kulumbako ka miningelo yo mahelwa Txizimu.

Levhi 9:21

Ngu khana ni txiphanga txa txinene, Aroni a to si maha mningelo wo ndiwitela, masoni ka Mkoma, nga tonti Mosi a nga wombisa tona kukhatani.

Levhi 9:19

Ngu mhaka ya mafura a didhuna ni a hamba, dibhesa, mafura awa ma pomelako titsho, ni diwomba da txivindi,

Levhi 7:3

A na thavisa ka txiharitxo mafura otshe: Mkila ni mafura aha ka mrumbu,

Levhi 3:9

Sekoko ka wona mphaxowo wa kuthutha, asiya si fanelako kuhiswa si maha mhamba ka Mkoma, ngu mafura, mkila wo wilwa ta tinene ngu ha tshina, ni otshe mafura, ni mafura otshe ma ku mndani ka mrumbu wa txihari,

Eksodha 29:21

Sekoko u na teka mnoha wu wu ku ha txiluveloni, u txi teka mtona wa kutotwa ko gwitisa, u txi si xwayela ka Aroni ni syambalo sakwe, ka vanana vakwe ni syambalo sawe; a na va a di sawulekisile ene ni syambalo sakwe, vanana vakwe ni syambalo sawe ni vona.

Eksodha 29:23

U na teka kambe dipawu, txibhubhutela txo thelwa mtona ni txibhubhutela atxi txikumu ka txirundu txa mapawu o mbi tshumbelwa, aale ma ku masoni ka Mkoma.

Levhi 7:37

Ayiya mithetho nja timhamba ta mningelo wo hiswa, mningelo wa sakudya, ngu timhamba ta txionho, timhamba ta minandu, ta kutotwa ka vaphaxeli, ni timhamba ta mpatano.

Levhi 14:12

Sekoko, mphaxeli a na teka txinvhutana tximwetxo e maha mhamba yo dihela minandu, kumweko ni mtona, e si ningela ngu ku si ndiwitela, masoni ka Mkoma.

1 Samuwele 9:24

Ngu kumaha keto, mbhiki a to gula txiphanga txa nyama ni si si nga ti nayo, eya si veka masoni ka Sawule. Se Samuwele a to khene: Wona taku ayiya i nyama yi ni nga kusiyela; phamela u txidya, nguko hi vekete awe, kutadya, nga ha ni wombako: Ni rambile vathu. Ngu kumaha keto, ka ditshiku dile Sawule a to dya ni Samuwele.