Eksodha 29:2 - Bhiblia Yo Sawuleka

² ni mapawu o mbi tshumbelwa, ni sibhubhutela so mbi tshumbelwa, so kanyangelwa ni mtona; se u na si maha ngu mpupu wa fulaho ya yinene.

Eksodha 29:2 Referans Kwoze

Mitengo 6:15

A na neha txirundu txa kutala ngu mapawu o mbi tshumbelwa, ni mpupu wo tshura wo kanyangwa ngu mtona, ni mapawu, sa kwa mbi tshumbelwa, so totwa ngu mtona, ngu txitimwi ka eso, a na tisa mningelo wa sakudya, ni sa kusela.

1 Vakorinto 5:7

Ti basiseni ka mtshumbelo wa kale, kasiku mi maneka mi di wurathi wa wuphya, nguko kha mi nzi kutshumbelwa. Kristu, i ku Txinvutana txa Pasika yathu se a bhayilwe.

Mitengo 6:19

Mphaxeli a na teka diwoko da hamba do bhikwa, ni dipawu do mbi tshumbelwa, sotshe a na si veka amu ka txirundu ni dipawu dimwedo da kwa mbi tshumbelwa, manzani ka Mnazira, ngako a di darutwe misisi ya wunazira wakwe.

Levhi 8:26

Kambe ngu ka txirundu txa mapawu o mbi tshumbelwa, txi txi nga ti masoni ka Mkoma, a to teka txibhubhutela txo mbi tshumbelwa, ni txibhubhutela txa dipawu da mtona, ni dipawu da kuoma, e si veka txitimwi ka mafura ni txitimwi ka txiphanga txa txinene.

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Levhi 7:12

Ngako i di mhamba ya kubonga, ni miphaxo ya kubonga kufanete kuningelwa sibhubhutela so mbi tshumbelwa, so vhuwa ni mtona ni sibhubhutela so mbi tshumbelwa ni sona, aniko so thelwa mtona, hambi ni sibhubhutela so mahwa ngu mpupu wo vhuwa ni mtona.

Levhi 7:10

Yimwani miningelo ya miphaxo ya sakudya, ayi yi nga vhuwa ni mtona, ni yi yi nga mbi vhuwa ni mtona, yi na phakelwe ngu kufana ka vanana va Aroni.

Levhi 2:15

Se ngu txitimwi ka mningelo u na thela mtona, u sanzeka dibaselo; mningelo wa sakudya.

Eksodha 29:23

U na teka kambe dipawu, txibhubhutela txo thelwa mtona ni txibhubhutela atxi txikumu ka txirundu txa mapawu o mbi tshumbelwa, aale ma ku masoni ka Mkoma.

Eksodha 12:8

Ka wusiku wonewo, va na dya nyama yo bawulwa ha mndiloni; ni mapawu o mbi tshumbelwa.

Eksodha 29:3

Kambe u na si veka amu ka txirundu u txi si tisa ngu mu ka txirundu, kumweko ni dirole ni tihambana timbidi.

Levhi 6:13

Mndilo wu na tura yotshe mbimo ha txiluvelo; kha wu na mbi timeka.