Eksodha 29:18 - Bhiblia Yo Sawuleka

¹⁸ Ngu toneto, u na hisa hamba yotshe ha txiluveloni; mningelo wa kuhiswa wo lumba Mkoma, wo bhumula, mningelo wuwa mbwo mahela Mkoma.

Eksodha 29:18 Referans Kwoze

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Marku 12:33

ni ti kambe to: ‘Kuranda Txizimu ngu yotshe mbilu, ngu otshe mapimo, ngu wotshe mtamo, ni kuranda muakelani nga ti m'thu a ti randisako tona’, ti ni lisima kupinda totshe timhamba to hiswa ni totshe tixaka ta timhamba.”

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Isaya 1:11

Mkoma a khene: Yi ni vhuna txani miphaxo yanu yo tala kani? Ni karate ngu miningelo yo hiswa ya tihamba, ni mafura a sifuyo so nona; kha ni tsakeli mnoha wa marole, wa sivuntana, ni mnoha wa tiphongo.

Masalmo 50:8

Kha ni na mbi kukawuka ngu mhaka ya timhamba, miningelo ya sihari u ni mahelako sotshe sikhati.

1 Vafumeli 18:38

Sekoko wu to wa mndilo ngu ka Mkoma, wu tshokomisa mningelo ni tikhuni, marigwi ni lithulu, wu tshumela wu txi danzela ni mati a mule ka msele.

1 Vafumeli 3:4

Se mfumeli a to tsula Gibheyoni kuya phaxela kona, ngu kona i nga ti ti wukhalo wo guleka ngutu, a to ya ningela digumi da mazana a miphaxo ka txiluvelo txile.

1 Samuwele 7:9

Sekoko Samuwele a to teka txinvutana txo ngadi txi txi mama, e maha ngu txona txotshe mphaxo wo hiswa ka Mkoma; Samuwele a to kombelela va ka Israyeli ka Mkoma, se Mkoma a to mu engisa.

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Levhi 1:17

txinyana txiya, a na txi bhanda ngu hagari ka mabhapi, aniko asi txi tshaputi; se mphaxeli a na txi hisa txiluveloni, txitimwi ka tikhuni ti ti ku ha mndiloni; i mhamba yo hiswa, mningelo wo fanela kuhiswa, wa kubhumula ko tsakisa Mkoma.

Eksodha 29:25

Se u na si teka manzani kwawe, u txi si hisa ha txiluveloni, ngu txitimwi ka mningelo wo hiswa wo mahela Mkoma.

Genesisi 22:13

Sekoko mbimo yile Abrahamu a nga gula maso, a to wona txihambana msana kwakwe, txi di khwekete ngu titxheho makhukhuni; Abrahamu a to ya teka txihambana txile, e txi ningela txi maha mhamba yo hiswa, txi txi tsiveta mwanana wakwe.

Genesisi 22:7

Sekoko Isaake a to womba ka tate wakwe Abrahamu, a txi khene: “Tata wangu!” Se Abrahamu a to xamula a txi khene: “Ngani wuwa, mwanangu!” Isaake a to wotisa a txi khene: “Hi ni mndilo ni tikhuni, se txi hani txihambana txa mhamba ya kuhiswa kani?”

Genesisi 22:2

Txizimu txi to kha txona: “Teka mwanana wako, mwanana wako wammweyo, ene Isaake, awu u m'dhundako ngutu, u tsula ka ditiko da Moriya, ahawa u no ya mningela, u txi mmaha mhamba ya kuhiswa, ka mmango wu ni no kukomba.”

Eksodha 29:17

U na wilela txihambana ngu sihango, se ngu msana ka kuva u di kuwute masembe ni maswondo, awe u na si veka txitimwi ka sihango ni txitimwi ka msungo.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 8:21

Kambe msana ka kuva a di kuwute masembe ni maswondo, ngu konaho, Mosi a to si hisa ha txiluveloni, kumweko ni nyama yotshe ya hamba. Ayiya i mhamba yo hiswa yo bhumula, mhamba yo dhumisa Mkoma, nga ti Mkoma a nga leletisa tona ka Mosi.

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.