Eksodha 29:14 - Bhiblia Yo Sawuleka

¹⁴ Aniko, nyama ya dirole, didhowo da kona ni mswanye wa kona, u na ya si hisela hahanze ka wugovelo. Awuwa mphaxo wo dihela sionho.

Eksodha 29:14 Referans Kwoze

Levhi 4:21

Mphaxeli a na ruma ti to didhuna di humiswa hahanze ka wugovelo, se koneyo a na ya di hisa mndiloni, nga ti a nga maha ngu didhuna do khata. Ayiya i mhamba yo mahela txionho txa msengeletano.

Ezra 8:35

Sekoko avale va nga wuyiswa ngu wukhumbini va ningete miphaxo yo hiswa ka Txizimu txa ka Israyeli: Digumi da marole ni mambidi, ngu mhaka ya votshe va ka Israyeli, mtxhanu wa magumi ni mune a tihambana ni mtxhanu ni yimweyo, mtxhanu wa magumi ni mambidi a tinvuta, ni digumi da vamabhongwe kota mningelo ngu mhaka ya txionho; sotshe si txi hiselwa Mkoma.

2 Makronika 29:24

Se vaphaxeli va to daya tiphongo ve teka mnoha wa tona va txi miyatela txitimwi ka txiluvelo ve maha mhamba yo thavisa sionho sa votshe va ka Israyeli, nguko mfumeli a to leleta to kumahwa mningelo wa hiswa ni kumaha mhamba yo thavisa sionho sa votshe va ka Israyeli.

Eksodha 30:10

Kumweko ngu dilembe, Aroni a na maha mhamba yo dihela sionho, txitimwi ka titxheho ta ha txiluveloni ngu mnoha wo dihela sionho, ka ditshiku da mningelo, kumweko ngu dilembe, ene a na maha mningelo ka txona, ngu tiveleko tanu; txiluvelo txiya txi na va txo sawuleka ngutu masoni ka Mkoma.”

Mitengo 7:16

mabhongwe, kasi kumaha mningelo wa txionho;

Levhi 16:27

Aniko dirole ni mabhongwe, sa mningelo wa kuthavisa sionho, asile mnoha wa sona wu nga tiswa kasi kubasisa wukhalo wo sawuleka, si fanete kuyiswa hahanze ka wugovelo; si txi ya hiswa kona, i ku didhowo, nyama, ni masembe a kona.

Levhi 16:11

Se Aroni a na ningela dirole da mhamba yo divalela txionho, yo lumba ene apune, ni txa ngamu yakwe; e di daya dirole da mningelo wo hiswa.

Levhi 16:3

Aroni a fanete kuwulela ka wukhalo wo sawuleka, ngako a di ni dirole da mhamba yo kuwula txionho, ni hamba yo hiswa.

Levhi 9:2

A to khene ka Aroni: Teka dirole, kasi kumaha ngu dona mhamba yo kuwula txionho, ni hamba yo maha mningelo wo hiswa, sihari siya ngu si so mbi na sibawa, u na si ningela ka Mkoma.

Levhi 8:17

Aniko dirole ni didhowo da kona, ni mafura a kona, ni mswanye, a to ya si tshotsha sotshe ha mndiloni, hahanze ka wugovelo, nga ti Txizimu txi nga ti leletisile tona ka Mosi.

Levhi 6:25

Gela Aroni ni vanana vakwe, u txi khawe: Mlayo wa kudivalelwa ka txionho ngu wuwa: Ka wukhalo wule ku dawako mningelo wo hiswa, ku na dawa mningelo wa kudivalelwa ka txionho, masoni ka Mkoma; se wu sawulekile ngutu.

Levhi 5:8

Se a na ma yisa ka mphaxeli, kasi ku ene mphaxeli, a na khata ngu kumaha mhamba ya kudivalela txionho; se a na teka dimwedo e di sukuruta msungo ngu ha thamoni, aniko asi khatuli.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Levhi 4:32

Aniko ngako a txi dhunda kumaha mhamba ngu txinvutana, kasi kudivalelwa txionho, a fanete e maha ngu txinvutana txa makati, txo mbina txibawa.

Levhi 4:29

M'thu eneyo a na sanzeka dianza dakwe ha msungo ka txihari txo ningelwa kasi kudivalelwa sionho, se a txi txi wila mkolo ka wukhalo wa mphaxo.

Levhi 4:25

Mphaxeli a na teka ngu litiho mnoha wa mabhongwe wu va nga maha ngu ngene mhamba yo kuwula txionho, e tota ngu wona ha ka titshoka ta txiluvelo txa mhamba yo hiswa; sekoko mnoha wu wu nga sala a na wu thela hafuhi ka txonetxo txiluvelo txa mhamba yo hiswa.

Levhi 4:3

ngako i di mphaxeli, a nga maha txionho, e maha txikhuvekiso ka vathu, a na ningela ka Mkoma, kota mhamba yo kuwula txionho, dirole do mbi limala.

Mitengo 19:5

Sekoko msana keto, va na hisa homu masoni kwakwe, ve hisa ni didhowo da kona, ni nyama ya kona, ni mnoha, kumweko ni mxwanyi.

Ezekhiyele 43:21

Sekoko u na teka dirole da kudivalelwa ka txionho, di txi ya hiswa ka wukhalo wa nyumba yile ku no leletwa ka yona, hahanze ka nyumba yo sawuleka.

Malakiya 2:3

Wonani taku ni na sinisa timbewu tanu, ni mi thela ngu mswanye tikhoheni kwanu, mswanye wa mibuso yanu; se mi na tshotshwa kumweko nawo.