Eksodha 29:13 - Bhiblia Yo Sawuleka

¹³ U na teka otshe mafura awa ma pomelako masembe, diwomba da txivindi, titsho ta timbidi ni mafura a kona, aale ma ti pomelako, u txi si hisa kasi ku u txi tuvikisa wutshi ni kubhumulisa, ngu txitimwi ka txiluvelo.

Eksodha 29:13 Referans Kwoze

1 Samuwele 2:16

Se ngako m'thu a txo m'gela ku khene: Thangani ngu kuhisa mafura a nyamsi, se ngu msana u na ti tekela yi u yi navelako, sekoko, ene a ti ti mxamula, a txi khene: Ahim-him, ni ninge konkuwa; aniko, ngako wo txa lamba ni na maha ngu kuhonyola.

Isaya 43:24

Khwa ni xavela ngu male, litshava lo bhumulisa, hambi ku ni khurisa ngu mafura a miphaxo yako, kambe u ni ningile mthumo ngu sionho sako, se u ni karalisa ngu wubihi wako.

Isaya 34:6

Ditxhari da Mkoma di tate ngu mnoha, di tate ngu mafura, ni mnoha wa sinvuntana ni wa vamabhongwe, ngu mafura a titsho ta tihamba, nguko Mkoma a ni mphaxo kona Bhozira, ni kudayela ka hombe ditikoni ka Edhomi.

Isaya 1:11

Mkoma a khene: Yi ni vhuna txani miphaxo yanu yo tala kani? Ni karate ngu miningelo yo hiswa ya tihamba, ni mafura a sifuyo so nona; kha ni tsakeli mnoha wa marole, wa sivuntana, ni mnoha wa tiphongo.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Mitengo 18:17

Aniko matiwula a homu ya makati, ni a nvuta, ni a phongo, kha ma na mbi tirulwa; nguko ma sawulekile: U na theketa mnoha wa kona ha txiluveloni, u hisa mafura a kona ngu mningelo wo hiswa, wo bhumula ka Mkoma.

Levhi 17:6

Mphaxeli a na xwayela ngu mnoha aha ka txiluvelo txa Mkoma, ha txikeni ka ditenda da msengeletano, e hisa mafura a mningelo, kasi kubhumula ku txi tsakisa Mkoma.

Levhi 16:25

Ngu kugwita a na hisa ha txiluveloni, mafura a sihari si si nga mahwa mningelo wa mhamba yo basisa txionho.

Levhi 9:19

Ngu mhaka ya mafura a didhuna ni a hamba, dibhesa, mafura awa ma pomelako titsho, ni diwomba da txivindi,

Levhi 9:10

A to hisa mafura a dirole ha txiluveloni, titsho ni diwomba da txivindi, nga tonti Mkoma a nga gelisa tona Mosi.

Levhi 8:25

Se a to teka mafura ni mkila, mafura a masembe, diwomba da txivindi, ni titsho timbidi, ni mafura ale ma ti pomelako, ni txiphanga txa txinene.

Levhi 8:16

Msana keto, Mosi a to hisa ha txiluveloni mafura ma pomelako masembe a homu, diwomba da txivindi, ni titsho timbidi, ni mafura a kona.

Levhi 7:31

Se mphaxeli a na hisa mafura ha txiluveloni, aniko khana yi na ningelwa ka Aroni ni vanana vakwe.

Levhi 7:3

A na thavisa ka txiharitxo mafura otshe: Mkila ni mafura aha ka mrumbu,

Levhi 6:12

Mndilo koko wu na tura txitimwi ka txiluvelo, kha wu na mbi timeka; kambe mphaxeli a na engetela tikhuni ka wona mixo ni mixo, e veka kha kwati mningelo wo hiswa txitimwi ka txiluvelo, se ngu txitimwi ka kona a na hisa mafura, a miningelo ya mpatano.

Levhi 4:35

Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 4:26

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

Levhi 1:15

Se mphaxeli a na ningela txinyana ha txiluveloni, e txi sukuruta mkolo ngu txyala txakwe, se a na hisa msungo wa kona ha txiluveloni; mnoha wa kona wu na kamelwa ha disetani ka txiluvelo;

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Eksodha 29:25

Se u na si teka manzani kwawe, u txi si hisa ha txiluveloni, ngu txitimwi ka mningelo wo hiswa wo mahela Mkoma.

Eksodha 29:22

Ngu msana u na teka ka hamba, mafura, dibhesa, mafura aale ma pomelako masembe, diwomba da txivindi, titsho ta timbidi, ni mafura a txona, ni dithumbi da txinene, nguko hamba yiya nja mhamba ya ku emiselwa wuphaxeli.

Eksodha 29:18

Ngu toneto, u na hisa hamba yotshe ha txiluveloni; mningelo wa kuhiswa wo lumba Mkoma, wo bhumula, mningelo wuwa mbwo mahela Mkoma.

Eksodha 12:9

Mi nga dyeni ni txa tximwetxo txa tximbisu, hambi txo bhikwa ngu mati, aniko mi na dya so bawulwa ha mndiloni: Msungo ni masondo ni sa mndani.

Levhi 7:4

titsho ta kona ni mafura awa ma ti pomelako, ha dikhondo, diwomba da txivindi ni mafura awa ma txi pomelako, si na thaviswe, kumweko ni txivindi.