Eksodha 29:10 - Bhiblia Yo Sawuleka

¹⁰ U na maha ati to dirole di txi ta masoni ka ditenda da msengeletano, Aroni ni vanana vakwe ve veka manza awe txitimwi ka msungo wa dirole.

Eksodha 29:10 Referans Kwoze

Levhi 8:14

Sekoko Mosi a to ruma kuve tisa txirolyana txa mhamba ya txionho; Aroni ni vanana vakwe va to sanzeka manza awe ha msungo ka txirolyana txa mhamba ya kuthavisa txionho.

Levhi 1:4

Se a na sanzeka dianza dakwe ka msungo wa txihari txa mhamba yo hiswa, kasi ku mhamba yi amukelwa, se ene e mana kudivalelwa sionho sakwe.

Eksodha 29:19

Ngu msana ka kona u na teka hamba ya wumbidi, Aroni ni vanana vakwe va na sanzeka manza awe txitimwi ka msungo wa hamba.

Eksodha 29:15

U na teka hamba yimweyo, Aroni ni vanana vakwe va na sanzeka manza awe txitimwi ka msungo wa yona.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Levhi 16:21

Se Aroni a na sanzeka manza ha msungo ka mabhongwe wo hanya, se e ti tshanza ngu wotshe wubihi wa vanana va ka Israyeli, ni wotshe wuhambunyeti wawe, madingano ni sotshe sionho sawe; a na si veka txitimwi ka msungo wa mabhongwe, a txi m'heleketa txiwulani, ngu dianza da m'thu wu a nga emiselwa kumaha toneto.

Levhi 8:18

Msana keto, Mosi a to ruma ti to hamba yi tiswa, kasi ku ta maha mningelo wa mhamba yo hiswa; se Aroni ni vanana vakwe, va to sanzeka manza awe ha msungo ka hamba;

Levhi 3:2

A na sanzeka dianza dakwe ha msungo ka txihari txi a no maha mhamba ngu txona, a na txi wila mkolo a di ha txikeni ka ditenda da msengeletano. Se vaphaxeli, i ku vanana va Aroni, va na xwayela ngu mnoha wa txona madhawani ka txiluvelo.

Eksodha 29:11

U na di kuva mkolo dirole masoni ka Mkoma, ha txikeni ka ditenda da msengeletano.

Mitengo 8:12

Valevhi ngu msana, va na sanzeka manza ha misungo ka marole; se u na teka didhuna dimwedo u txi maha mphaxo ngu dona, mphaxo wa txionho; se dimwani didhuna u na maha mphaxo wa kuhiswa ka Mkoma, kasi ti to Valevhi ve mahelwa mphaxo wa txionho.

Ezekhiyele 43:23

Kambe u txi gwita kusawulekisa txiluvelo, u na ningela dirole da kwa mbi na txibawa, ni hamba ya mtxhambini, ya kwa mbi na txibawa.

Levhi 4:4

A na ningela dirole ka Mkoma e di tisa ha txikeni ka msengeletano, a na sanzeka dianza ha msungo ka dirole, a di wila mkolo, masoni ka Mkoma.