Eksodha 29:1 - Bhiblia Yo Sawuleka

¹ Ngu tiya u no maha kwawe kasi ku va katekisa ve maha vaphaxeli: U na langa dirole ni tihambana timbidi to mbi na wulima;

Eksodha 29:1 Referans Kwoze

1 Pedro 1:19

aniko, mi tirutwe ngu mnoha wa lisima wa Kristu, wu wu fanako ni wa Txinvutana txo mbi na wulima mwendo txibawa;

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Eksodha 12:5

Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;

Matewu 6:9

“Ngu konaho, anu mi na khongelisa tiya: Tata wathu, u ku nzumani, ditina dako di na sawulwe,

2 Makronika 13:9

Kha ma tshotsha hahanze vaphaxeli va Mkoma, vanana va Aroni ni Valevhi se mi ti lavela vaphaxeli vanu kufana ni vathu va matiko mamwani? Mmwani ni mmwani awu a tako e ta phaxela ngu dirole ni mtxhanu wa tihamba ni timbidi koneko a maha mphaxeli wa vale i singako sizimu.

Levhi 22:20

Mi nga thuke mi txi ningela txihari txi txi ku ni wulima, nguko Mkoma kha na mbi wu amukela mningelowo.

Levhi 16:3

Aroni a fanete kuwulela ka wukhalo wo sawuleka, ngako a di ni dirole da mhamba yo kuwula txionho, ni hamba yo hiswa.

Levhi 9:2

A to khene ka Aroni: Teka dirole, kasi kumaha ngu dona mhamba yo kuwula txionho, ni hamba yo maha mningelo wo hiswa, sihari siya ngu si so mbi na sibawa, u na si ningela ka Mkoma.

Levhi 6:6

Se a na tisa ka Mkoma, hamba ya kwa mbi na txibawa ya mtxhambi, kasi ku va mningelo wakwe wa kudivalelwa mnandu; madingano ni ti u no ti wonisa tona, u si tisa ka mphaxeli.

Levhi 4:3

ngako i di mphaxeli, a nga maha txionho, e maha txikhuvekiso ka vathu, a na ningela ka Mkoma, kota mhamba yo kuwula txionho, dirole do mbi limala.

Eksodha 29:21

Sekoko u na teka mnoha wu wu ku ha txiluveloni, u txi teka mtona wa kutotwa ko gwitisa, u txi si xwayela ka Aroni ni syambalo sakwe, ka vanana vakwe ni syambalo sawe; a na va a di sawulekisile ene ni syambalo sakwe, vanana vakwe ni syambalo sawe ni vona.

Eksodha 28:3

U na womba kambe ka votshe vale va timbilu to txhariha, avale ni nga va tata ngu moya wa wutxhari, ti to va txi mahela syambalo Aroni, kasi ku mkatekisa, a ni thumela amu ka wuphaxeli.

Eksodha 28:41

Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Levhi 8:1

Mkoma a wombile kambe ka Mosi a txi khene:

Ezekhiyele 43:23

Kambe u txi gwita kusawulekisa txiluvelo, u na ningela dirole da kwa mbi na txibawa, ni hamba ya mtxhambini, ya kwa mbi na txibawa.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Levhi 6:13

Mndilo wu na tura yotshe mbimo ha txiluvelo; kha wu na mbi timeka.

Levhi 7:35

Adiya didhawa nda Aroni ni vanana vakwe, kukhukhela mbimo yi va nga vekwa kuva vaphaxeli va timhamba ka Mkoma.

Levhi 14:11

Se Mphaxeli wule a thangelako mhamba yiya yo basisa, a na teka m'thu wule a basiswako, ni sotshe silo sa kona, eya si kombisa masoni ka Mkoma, ha txikeni ka ditenda da msengeletano.