Eksodha 28:9 - Bhiblia Yo Sawuleka

⁹ U na teka marigwi mambidi a onekisi aale u no bhala ka ona matina a vanana va ka Israyeli,

Eksodha 28:9 Referans Kwoze

Ezekhiyele 28:13

U ti ti maneka Edheni, thembweni ka Txizimu; u fenengetwa ngu otshe marigwi a lisima: I ku sardhoni, topazi, dhayimani, turkeza, onekisi, jasiperi, safira, karbhukulu, esmeraldha, ni nzalama, i ku mthumo wa tingoma tako ni makhombela ako, si ti ti kwako; si nga lulamiselwa ka ditshiku dile u nga vangwa ngu dona.

Isaya 49:16

Wona taku ni ku bhate hagari ka dianza dangu; ni maguma ako ma masoni kwangu yotshe mbimo.

Ndando ya Tindando 8:6

Ni veke nga txitambu mbiluni kwako, ni txi nga txitambu diwokoni kwako, nguko lirando li ni mtamo kufana ni lifo, ni wukwele wu karata kufana ni dithitha dituro da kona di fana ni dituro da mndilo, di hisa kufana ni titshatsha ta Mkoma.

Jobe 28:16

Hambi kuxava wutxhari ngu nzalama yo sefwa ya Ofiri, hambi ngu onekisi, mwendo ngu safira.

2 Makronika 2:7

Ni rumele koko konkuwa m'thu wa wuzivi kuva a txi na thuma ngu nzalama, ni silivhela, ni msuku, ni tisimbi, ni purpura ni karmezimi, ni ya lixaka la nzumani, ni m'thu wo ziva kuvata marigwi, va ku na thuma kumweko ni sizivi si si ku ni nani ani Judha ni Jerusalema, asi si nga vekiswa ngu Dhavhidha tate wangu.

Eksodha 39:13

ka litxhatxha la wumune, i ti marigwi a krisolite, a onekisi, ni a jaspe. Ma ti hariketilwe ngu sihariketo sa nzalama.

Eksodha 39:6

Ku lulamisilwe marigwi a onekisi, me nameketwa sitsaniso sa nzalama, ma txi bhalwa ngu kukenyelwa nga txixambanyo, me bhalwa matina a vanana va ka Israyeli.

Eksodha 28:36

U na maha txileti txa nzalama ya yinene, atxi ka txona u no bhala ngu kukenyela nga ti va bhalisako tona ngu txixambanyo aha ka phera, u txi khawe: “Kusawuleka nga Mkoma.”

Eksodha 28:20

ka litxhatxha la wumune ku nava ka krisolite, ka onekisi ni ka jasperi; na ku txi tsaniswa makhaloni ka kona ngu sihariketo sa nzalama

Genesisi 2:12

Nzalama ya ditiko donedo yi tshurile; koneyo ku manekako bhidheli, ni dirigwi da lisima.

Eksodha 28:8

Libhande li li ku txitimwi ka yona, kasi ku yi tsanisa, yi txi maha lixaka limwelo ni lona, li nava la wonewo mthumo wawumwewo ngu nzalama, mxowo wa mkuxe, wa txiwunguwungu, wo bhilivila, ni nguwo ya linyu yo rungelwa.

Eksodha 28:10

mtxhanu wa matina ni dimwedo ma na bhalwa ka dirigwi dimwedo ni mamwani a mtxhanu ni dimwedo ma na bhalwa ka dimwani dirigwi, ngu mthetho wa kulondetelana nga ti va nga velekiswa tona.

Eksodha 25:7

marigwi a onekisi ni mamwani marigwi kasi ku ta tsanisa efodhe ni nguwo ya hakhana.

Eksodha 31:5

kasi kukenya marigwi a lisima, kuvata mapulango ni kumaha totshe tixaka ta mithumo.

1 Makronika 29:2

Ani koko, ni ti karatile ngu mtamo wangu wotshe, ni longisela Nyumba ya Txizimu txangu, nzalama ka mthumo wa nzalama, silivhela, ka sa silivhela, koporo ka sa koporo, simbi ka sa simbi, mapulango ka sa mapulango, ni marigwi a onekisi, ni marigwi a engaste ni marigwi o tshurisa ngu ona, ni yotshe mixowo ya marigwi a lisima, ni marigwi o rithimuka amangi ngutu.

Zakariya 9:16

Se Mkoma, Txizimu txawe, ka ditshiku donedo, a na va hanyisa, kufana ni mtxhambi wa vathu vakwe; nga marigwi a m'bhoti, va na guletwa ditikoni kwawe.