Eksodha 28:43 - Bhiblia Yo Sawuleka

⁴³ Aroni ni vanana vakwe, va na si ambala mbimo yi va wulelako amu ka ditenda da msengeletano, mwendo mbimo yile va tshuketako ha txiluveloni, kuya maha mthumo ka wukhalo wo sawuleka, kasi ku va si mani txionho, va txi fa; atxiya i nava txileleto txa kala kupinduka, ka Aroni, ni ka liveleko lakwe, msana kwakwe.

Eksodha 28:43 Referans Kwoze

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Eksodha 20:26

U nga kwele ha digandeloni kwangu ngu sivango, kasi ku wu si woneki wumbwiri wako.”

Levhi 5:17

Se ngako m'thu a di onhile ngu kumaha to biha, e tsulupeta mlayo wokari wa Txizimu, e maha ti ti si faneliko kumahwa, hambi asi ti zivi, a na va ni txionho, kambe a rwate mnandu.

Mitengo 18:22

Ti to vanana va ka Israyeli, va siswi ve tshuketa hafuhi ka ditenda da msengeletano, nguko va nga rwala mnandu, va txifa.

Levhi 22:9

Vaphaxeli va na vekisa sirumo sangu, va si maheteli sionho, ve maneka va txi nyenyezisa sakudya sangu, se va txi dawa ngu kuva va di ndakile milayo. Ani ngani Mkoma, awu a va sawulekisako.

Levhi 17:7

Va nga engete kambe va txi maha mningelo wa mhamba ka madhimoni, va nga ti ti patile nawo, va txi maneka va si thembeki. Awuwa mlayo wa kala kupinduka, ka lotshe liveleko lakwe.

Levhi 5:1

Se ngako m'thu a txi dhanelwa kuya fakaza mhaka yokari, a nga yi wona mwendo a nga yi ziva, aniko a txi lamba kuwomba, sekoko eyo m'thu a na rwala txionho txakwe;

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.

Eksodha 30:21

Va na samba manza ni mikondo kasi va si fi. Awuwa wu na va mthetho wo mbi gwita, kwakwe Aroni ni ka situkulwana sakwe, ni ka liveleko ni liveleko.”

Levhi 16:13

Se a na thela dibaselo txitimwi ka makala a mndilo, masoni ka Mkoma, wutshi wa dibaselo, wu na fanengeta txikhalo txa Wufakazi, kasiku Aroni asi fi.

Ezekhiyele 44:17

Se mbimo yi va no wulela ngu sike sa mtendela wa mndani, va ambala syambalo sa linyu; kambe kha ku na mbi sanzekwa sa matoya txitimwi kwawe, mbimo yi va no thuma sikenini, ka mtendela wa mndani, mndani ka nyumba.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

Levhi 22:15

Vaphaxeli va nga thuke va txi leka vathu, va txi bihisa so katekiswa, asile vanana va ka Israyeli va si mahako mningelo wa mhamba ka Mkoma.

Mitengo 15:15

Ku nava mlayo wumwewo motshenu ka msengeletano, ni kwa mluveli, wu a nga aka hagari kwanu; atxiya ngu txona txileleto kala ka tiveleko tanu, ni ka mluveli, ni kwanu, masoni ka Mkoma.

Mitengo 18:8

Mkoma a to khene kambe ka Aroni: “Wona ti to awe ni ku ningile mthumo wa sotshe so sawuleka asi vanana va ka Israyeli va nga si ningela kwangu; se ni si ningete kwako, kasi si txi va txyavelo kwako ni ka vanana vako, kala ka mbimo yo mbi guma.”

Mitengo 18:32

Mi txi ningela ngu so tshura ngutu, kha mi na mbi va ni mnandu ni wawumwewo, aniko ko mi nga nzabwiseni miningelo yo sawuleka ya vanana va ka Israyeli, nguko mi nga fa.