Eksodha 28:41 - Bhiblia Yo Sawuleka

⁴¹ Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

Eksodha 28:41 Referans Kwoze

Eksodha 29:7

U na teka mtona wa kutotwa ko gwitisa, u txi wuthela ha msungo kwakwe, se ngu toneto u na va u txi m'tota.

Levhi 10:7

Kambe mi nga humeni ha txikeni ka ditenda da msengeletano, kuva mi si fi, nguko mtona wo tota wa Mkoma wu ha msungo kwanu. Se vona va mahile nga tona ti Mosi a nga va leletisa tona.

Eksodha 40:15

u na va tota nga ti u nga totisa tona tate wawe, se va na va vaphaxeli va mthumo wangu; ngu kutotwa kwawe, wuphaxeli wu na va wawe mbimo yotshe, ngu liveleko ni liveleko.”

Eksodha 29:9

U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

Vahebheru 7:28

Kha ditshuri, mlayo wu vekile vaphaxeli va i nga ti vathu va dikhodo. Aniko, dipswi da txixambanyo di nga humelela msana ka Mlayo wa Mosi, di vekile Mwanana wu i ku Mphaxeli wa kuhetiseka ngu ha ku si gwitiko.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

1 Johani 2:20

Se anu mi totilwe ngu kusawuleka, ma tiziva totshe.

Vahebheru 5:4

M'thu a nga thuke a txi ti tekela apune txikhunja txiya; hahanze ka wule a nga dhanwa ngu Txizimu kufana ni Aroni.

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Ezekhiyele 43:26

Mndani ka mtxhanu wa masiku ni mambidi, mi na basisa txiluvelo, ni ku txi sawulekisa, ngu kumaha keto, va na va va di txi sawulekisile.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Isaya 10:27

Se ti na maheka ka dona ditshiku dile taku, mrwalo wanu wu thaviswa makatani kwako, ni dikange dako ha thamoni kwako; se dikange di na funyeletelwa ngu mhaka ya kutotwa.

Mitengo 3:3

Eyo matina a vanana va Aroni, vaphaxeli va nga totwa, ava va nga emiselwa kuthuma mthumo wa wuphaxeli.

Eksodha 29:35

Ti di ngeto ngu Aroni ni vanana vakwe, u na maha kwawe nga ti ni nga kuleleta; u na va u txi va sawulekisa amu ka mtxhanu wa masiku ni mambidi.

Eksodha 29:24

U na si veka sotshe manzani ka Aroni ni manzani ka vanana vakwe, u txi si ndiwitela masoni ka Mkoma.

Eksodha 28:4

Ngu siya syambalo va no si maha: Txyambalo txa hakhana, efodhe, dibhaji do lapha, dihembe do tshuriselwa ngu kurungelwa, txigoko ni libhande. Va na maha syambalo so katekiswa si txi va sa mwananu Aroni ni sa vanana vakwe, ati to ve thuma mthumo wa wuphaxeli masoni kwangu.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Eksodha 40:13

U na ambeka Aroni ngu syambalo so sawuleka; u na mtota u txi m'basisa kasiku e thuma mthumo wa wuphaxeli, masoni kwangu.

Levhi 16:24

A na samba mmidi ngu mati a di ha wukhaloni ko sawuleka, e ambala syambalo sakwe a txi huma. Se e maha mningelo wa mhamba yo hiswa ngu wutumbu wakwe apune ni wa vathu, a txi maha mhamba yo divalela txionho, ene ni vathu votshe.

Eksodha 30:35

Ngu sona siya u na maha ngu sona dibaselo ni mafura o bhumula o pataniselwa, nga ti nyasingeme a mahako. Mafura o lungwa, o basa ni kusawuleka;

Mitengo 16:5

a txi khene ka Kora ni vangana vakwe: Mangwana ni mixo, Mkoma a na mi komba va i ku vathu vakwe, ni va vo sawuleka, ti to ve tshuketa hafuhi kwawe.