syambalo sa wukhongeli asi si ambalwako ka mbimo ya mthumo wo sawuleka, syambalo so sawuleka sa Aroni mphaxeli, ni syambalo sa vanana vakwe sa mthumo wa wuphaxeli.
Ngu siya syambalo va no si maha: Txyambalo txa hakhana, efodhe, dibhaji do lapha, dihembe do tshuriselwa ngu kurungelwa, txigoko ni libhande. Va na maha syambalo so katekiswa si txi va sa mwananu Aroni ni sa vanana vakwe, ati to ve thuma mthumo wa wuphaxeli masoni kwangu.
Kambe Mosi a to dhana vanana va Aroni kasiku ve tshuketa hafuri; a to va ambeka mabhaji, e va sunga ngu tibhande, a to va ambeka sigoko nga ti Txizimu, txi nga ti leletile ka Mosi.
U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.
Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.
si si thuki si pa, aniko, si na mahe mithumo yi yi kombako kuthembeka ka kuhetiseka, si ninga lisima, ngu mahanyelo oneyo, ka gondo ya Txizimu, Muhanyisi wathu.
A na samba mmidi ngu mati a di ha wukhaloni ko sawuleka, e ambala syambalo sakwe a txi huma. Se e maha mningelo wa mhamba yo hiswa ngu wutumbu wakwe apune ni wa vathu, a txi maha mhamba yo divalela txionho, ene ni vathu votshe.
Wuka, wuka, ambala mtamo wako, awe Siyoni; ambala syambalo sako so tshura ngutu, awe Jerusalema, didhoropa do sawuleka; nguko kwako kha ku na mbi thuka ku txi wulela awu a nga mbi ya wukwerani, hambi wa kwa mbi basa.