Eksodha 28:4 - Bhiblia Yo Sawuleka

⁴ Ngu siya syambalo va no si maha: Txyambalo txa hakhana, efodhe, dibhaji do lapha, dihembe do tshuriselwa ngu kurungelwa, txigoko ni libhande. Va na maha syambalo so katekiswa si txi va sa mwananu Aroni ni sa vanana vakwe, ati to ve thuma mthumo wa wuphaxeli masoni kwangu.

Eksodha 28:4 Referans Kwoze

Mtuletelo 9:17

Amu ka txiwoniso txangu, ntengo wa mahantxhi ni vagadhi va ona, ni si wonisile tiya: Va ti ambate sikatawu so vhika ngu sona, so bhilivila nga mndilo, ni nkuxe nga jakinta ni halandi nga txivavula, misungo ya mahantxhi yi ti fana ni ya tingonyamo, se ngu mkanani ka ona ku txi huma mndilo ni wutshi ni txivavula.

Vaefesu 6:14

Emekani ngu kutsana. Sungani siwunu ngu ditshuri, di txi maha libhande lanu. Ambalani kululama ku txi maha txivhikelo txa khana yanu.

1 Vatesalonika 5:8

Aniko, athu hi ku va mitshikari, he hanyeni ngu kutipimela, he ambaleni txikatawu txa txikete txa likholo ni lirando, hi txi ambala txithembo txa kuhanyiswa, txi txi maha txidgoko txathu.

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

Isaya 11:5

Se kululama ku nava libhandi la txiwunu txakwe, se ditshuri di na va libhandi la tithso takwe.

2 Samuwele 6:14

Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu.

1 Samuwele 30:7

Se Dhavhidha a to khene ka mphaxeli Abhiyatari, mwana Ayimeleki: Na ku kombela, ni tisele efodhe hawa. Se Abhiyatari a to tisa efodhe ka Dhavhidha.

1 Samuwele 23:6

Se ku to maheka tito, mbimo yile Abhiyatari, mwana Ayimeleki, a nga tutuma eya ka Dhavhidha, kona Keyila, a to relela ni efodhe manzani.

1 Samuwele 22:18

Sekoko Sawule a to khene ka Dhowege: Hunduluka awe u daya vaphaxeli! Se Dhowege, Muedhomi a to tshembereka e daya vaphaxeli, aniko ka ditshiku donedo a to daya mtxhanu wa magumi ni magumi mararu ni mtxhanu wa vavamna vale va nga ti ambate efodhe ya linyu.

1 Samuwele 2:18

Aniko Samuwele a txi thuma masoni ka Mkoma, na i di ngadi mfana, adi ambate efodhe ya linyu.

Eksodha 39:28

txigoko txa linyu ya lisima, sigoko so ambalwa ka mbimo ya wukhongeli ni sibhulukwana sa linyu,

Eksodha 25:7

marigwi a onekisi ni mamwani marigwi kasi ku ta tsanisa efodhe ni nguwo ya hakhana.

Eksodha 29:6

U na mu ambeka txigoko ha msungo kwakwe, ni txitimwi ka txigoko u na veka txikombiso txa m'bhoti wo sawuleka.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.