Eksodha 28:36 - Bhiblia Yo Sawuleka

³⁶ U na maha txileti txa nzalama ya yinene, atxi ka txona u no bhala ngu kukenyela nga ti va bhalisako tona ngu txixambanyo aha ka phera, u txi khawe: “Kusawuleka nga Mkoma.”

Eksodha 28:36 Referans Kwoze

Zakariya 14:20

Ka ditshiku dile, ku na bhalwa ni ka sisimbzana sa mahantxhi taku: Ku Sawulekisetwe Mkoma; se tikhadi Nyumbani ka Mkoma, ti na nga timbiya masoni ka txiluvelo.

Levhi 8:9

se a to sanzeka txigoko ha msungo kwakwe, ni ha ka txigoko ngu khoheni kwakwe, e veka limo la nzalama m'bhoti wo sawuleka, nga tile Mkoma a nga rumisa tona ka Mosi.

Eksodha 39:30

Ngu msana kumahilwe txiluva txa nzalama, ka yona kubhatwe ngu kukenyelwa, nga ti va bhalisako tona aha ka phera, va txi kha vona: Kusawule ka masoni Mkoma.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Ezekhiyele 43:12

Awuwa mlayo wa nyumba. Txitimwi ka mimango, kotshe madhawani ka yona ku nava ku di sawulekile ngutu; ngu wona wuwa mlayo wa nyumba.

Masalmo 93:5

Mithetho yako, Mkoma, yi tsani ngutu, dithepele dako di hanelwa ngu wusawuleki kala kupinduka!

Levhi 19:2

Womba ka wotshe msengeletano wa vanana va ka Israyeli, u txi khawe: Mahani vathu vo sawuleka, nguko ani, Mkoma, Txizimu txanu, ni wo sawuleka.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Eksodha 28:11

U na bhala matina a vanana va ka Israyeli aha ka marigwi mambidi, nga ti va bhalisako tona ka marigwi ngu kutxetxeretela, kasi kukhigeta marigwi ma txi tsaniswa ngu sihariketo sa nzalama.

Eksodha 28:9

U na teka marigwi mambidi a onekisi aale u no bhala ka ona matina a vanana va ka Israyeli,

Eksodha 28:35

Aroni a na ambala a txi thuma, ati to ku txi pfala kutuma, mbimo yile a wulelako txiluveloni ko sawuleka ka Mkoma ni mbimo yile a humako ngu kona, kasi asi fi.

Eksodha 28:37

U na txi sunga ngu ngoti ya nguwo ya mkungu ati to txi maneka txitimwi ka txigoko: Txi fanete txi txi maneka ngu didhawani ka kona ngu masoni.

Eksodha 29:6

U na mu ambeka txigoko ha msungo kwakwe, ni txitimwi ka txigoko u na veka txikombiso txa m'bhoti wo sawuleka.

Eksodha 39:31

Se va to hariketa ngoti ya mkuxe, ve sunga txitmwi ka mitra, nga ti Mkoma a nga leletisa tona ka Mosi.

Isaya 23:18

Se wukwewu wa dona wu na lumba Mkoma, ni wugwili wa dona wa wugelegele; kha ku na mbi va ni thomba hambi kutsiwa; aniko wukwewu wa dona wu na lumba ava va zumbako masoni ka Mkoma, kasi ku veva ni sakudya so enela, ni syambalo sa lisima.

Eksodha 19:6

Aniko anu mi na va mi di mfumo wa wuphaxeli ni vathu vo sawuleka. Mapswi awa ngu ona u no ya va gela vanana va ka Israyeli.”

Eksodha 39:27

Kumahilwe kambe, syambalo ngu linyu ya yinene, sa Aroni ni vanana vakwe,

1 Makronika 23:13

Vanana va Aniramu ngu vava: Aroni, ni Mosi; se Aroni a to sawulwa kasi kusawulekisa Wusawuleki wa Kusawuleka, ene ni vanana vakwe, ngu ha ku si gwitiko, kasi kuhisa dibaselo masoni ka Mkoma, ni ku mthumela, ni kuninga makatekwa ngu ditina dakwe, ngu ha ku si gwitiko.