Eksodha 28:33 - Bhiblia Yo Sawuleka

³³ Ngu hahatshi ka kona u na rungela maromani, a nguwo ya mkungu, nguwo ya txiwunguwungu nguwo yo bhilivila yi rendelekela otshe madhawa, ngu hagari ka kona, u na rungela kambe vanyangende va nzalama.

Eksodha 28:33 Referans Kwoze

Zakariya 14:20

Ka ditshiku dile, ku na bhalwa ni ka sisimbzana sa mahantxhi taku: Ku Sawulekisetwe Mkoma; se tikhadi Nyumbani ka Mkoma, ti na nga timbiya masoni ka txiluvelo.

2 Vafumeli 25:17

Kudemba ka phande yimweyo i ti ti ka digumi da mikono ni mtxhanu ni yiraru, txitimwi ka yona ku ti ti ni txikazelo txa koporo, txa kudemba ka mikono yiraru; sefo ni maromani si ti ti ranganyetile txikazelo, sotshe i ti ti sa koporo; se yimwani phande ni yona yi ti ti fana ni yiya, ni sefo ya kona.

1 Vafumeli 7:18

A akisa toneto tisika kumweko ni titxhatxha to horolokela ngu txitimwi ka sefo, kasi kufenengeta tiringi tile ti nga ti txitimwi ka misungo ya maromani; a to mahisa toneto ka yimwani ringi ni yona.

Eksodha 28:32

hagari ka dona ku na dhodwa ditshoko ahale ku wuletiswako ngu kona msungo di txi ambalwa; ditshoko donedo di na rungelwa di txi vekwa fita ngu kurendelekisa, ku nga txikatawu txa txikete, kasi di si vharuki.

Eksodha 28:34

Ka lotshe likasa la dijasi ku na rungelwa nyangende wa nzalama ni diromani, mmwani nyangende wa nzalama ni diromani a na rungelwa ngu hahatshi ka dijasi ngu kurendelekela.

Masalmo 133:2

Kufana ni mafura o bhumula ma nga thelwa ha msungo ka Aroni, ma xililikako ngu maletu, maletu a Aroni; me hoka likasani ka syambalo sakwe.