Eksodha 28:32 - Bhiblia Yo Sawuleka

³² hagari ka dona ku na dhodwa ditshoko ahale ku wuletiswako ngu kona msungo di txi ambalwa; ditshoko donedo di na rungelwa di txi vekwa fita ngu kurendelekisa, ku nga txikatawu txa txikete, kasi di si vharuki.

Eksodha 28:32 Referans Kwoze

Jobe 41:26

Ngako m'thu a txi yi thola ngu ditxhari, mseve kha wu doli, ni txiholoma, mwendo lingove.

Nehemiya 4:16

Se ku to maheka taku, kukhukhela ka dona ditshiku dile, hafu ya majaha angu ma ti mu ko thuma, se yimwani hafu yi ti ni tingove, sitxhavangu, malaho, ni sikatawu sa sivhikelo; se vathangeli va ti ngu msana ka yotshe nyumba ya ka Judha.

2 Makronika 26:14

Uziya a to longisela sivhikelo ni matxhari, ni sigoko, ni sikatawu so vhika ngu sona, ni malaho, ni sibhalakaza, e ninga dibutho dotshe da yimbi.

Eksodha 39:28

txigoko txa linyu ya lisima, sigoko so ambalwa ka mbimo ya wukhongeli ni sibhulukwana sa linyu,

Eksodha 28:31

U na maha dijasi da efodhe ngu nguwo ya mkungu,

Eksodha 28:33

Ngu hahatshi ka kona u na rungela maromani, a nguwo ya mkungu, nguwo ya txiwunguwungu nguwo yo bhilivila yi rendelekela otshe madhawa, ngu hagari ka kona, u na rungela kambe vanyangende va nzalama.

Eksodha 39:23

Se nguwo yiya ya hombe yi ti vekilwe ditshoko hagari ka yona, do nga ditshoko da txikatawu txa txikete. Ditshoko di ti rendeleketwe ngu mrungo wa fita, kasi yi si vharuki.