Eksodha 28:29 - Bhiblia Yo Sawuleka

²⁹ Ngako Aroni a txi wulela ka wukhalo wo sawuleka, a na teka ngu mbiluni kwakwe matina a vanana va ka Israyeli aale ma nga bhalwa hakhana ngu mapimo, ku no va i di txixambanyo txa kala kupinduka, masoni ka Mkoma.

Eksodha 28:29 Referans Kwoze

Eksodha 28:12

U na veka marigwi a mambidi ha makata ka efodhe, kasi kumaha txialakanyiso txa vanana va ka Israyeli; Aroni a na rwala matina a vanana va ka Israyeli ngu makata akwe a mambidi masoni ka Mkoma, ku txi va txialakanyiso.

Eksodha 28:30

Aha ka txyambalo txa hakhana txo ambala ka mbimo yo lamula u na veka Urime ni Tumime, kasiku si txi maneka hakhana ka Aroni, ngako a txi ya masoni ka Mkoma. Ngu mhaka yeto, Aroni a na va a txi veka amu mbiluni kwakwe, masoni ka Mkoma, mapimo a vanana va ka Israyeli, kala kupinduka.

Varoma 10:1

Vanathu, kuxuva ka mbilu yangu ni mikombelo yi ni va mahelako ka Txizimu vanana va ka Israyeli, ngu ti to ve hanyiswa.

Jeremiya 30:21

Mthangeli wawe a na huma ngu ka vona vanyamne, ni mfumeli wawe, a na huma hagari kwawe vapune. Ni na mtshuketisa, a nata kwangu; nguko i mani a khalako kutshuketa kwangu kani? Kuwomba Mkoma.

Ndando ya Tindando 8:6

Ni veke nga txitambu mbiluni kwako, ni txi nga txitambu diwokoni kwako, nguko lirando li ni mtamo kufana ni lifo, ni wukwele wu karata kufana ni dithitha dituro da kona di fana ni dituro da mndilo, di hisa kufana ni titshatsha ta Mkoma.

Eksodha 28:15

U na maha txyambalo txa hakhana, txo thethisa ngu txona timhaka txi txi mahwa ngu wutxhari; u na txi maha u txi txi rungela ku nga efodhe, ngu nzalama, ngu mkuxe, ngu nguwo yo bhilivila, ya mkungu ni nguwo ya linyu yo rungelwa ngu kutshuriselwa.

Eksodha 28:28

Txyambalo txa kona txa hakhana txi na sungwa aha ka masinda a kona kumweko ni masinda a efodhe ngu ngoti ya nguwo yo hehuka ya mkuxe, kasi ku txi tsanisa ngu txitimwi ka efodhe.