Eksodha 28:21 - Bhiblia Yo Sawuleka

²¹ marigwi a mtengo wa hombe, ma nava a mtengo wa vanana va ka Israyeli: Digumi ni mambidi wa matina, nga ti mtengo wawe i ku tona, ma nava ma di bhatwe ngu ku khwekhwetela nga txialakanyiso, dimwani ni dimwani di na va ni ditina da kona, ku nga tihunzu ta digumi ni timbidi, ta va ka Israyeli.

Eksodha 28:21 Referans Kwoze

Mtuletelo 21:12

Di ti ni diguma da hombe do lapha, da digumi da sike ni simbidi, si wonelelwako ngu digumi da tingelozi ni timbidi; txitimwi ka sona sike sile, ku ti bhatwe matina a digumi da tihunzu ni timbidi ta vanana va Israyeli.

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Luka 22:30

kasi ku mi txi dya ni kusela ha mezani kwangu, ka Mfumo wangu; ni ti to mi txi khalahatsha ka sikhalo sa wukoma mi txi lamula tihunzu ta digumi ni timbidi ta ka Israyeli.”

1 Vafumeli 18:31

Se Elija a to teka digumi da marigwi ni mambidi, madingano ni mtengo wa tihunzu ta vanana va Jakobe, se di to ta kwakwe dipswi da Mkoma, di txi ta kha dona: Ditina dako u na va Israyeli.

Eksodha 28:11

U na bhala matina a vanana va ka Israyeli aha ka marigwi mambidi, nga ti va bhalisako tona ka marigwi ngu kutxetxeretela, kasi kukhigeta marigwi ma txi tsaniswa ngu sihariketo sa nzalama.

Eksodha 28:20

ka litxhatxha la wumune ku nava ka krisolite, ka onekisi ni ka jasperi; na ku txi tsaniswa makhaloni ka kona ngu sihariketo sa nzalama

Eksodha 28:22

U na maha kambe txyambalo txa hakhana, u txi veka tiketani ta tidotho to lukelwa ta nzalama ya yinene.

Eksodha 24:4

Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Jobe 19:24

Eko ngu tshoka ya txikete, ni simbi yo nemela, yotshe mbimo si txi lotelwa ha ka dirigwi!

Zakariya 9:16

Se Mkoma, Txizimu txawe, ka ditshiku donedo, a na va hanyisa, kufana ni mtxhambi wa vathu vakwe; nga marigwi a m'bhoti, va na guletwa ditikoni kwawe.