Eksodha 28:18 - Bhiblia Yo Sawuleka

¹⁸ ka litxhatxha la wumbidi ku nava ka jaspe, ka safira ni ka dhayimana;

Eksodha 28:18 Referans Kwoze

Mtuletelo 4:3

Awule a nga ti khalahatshile ka txona, a ti ni khohe yo nga dirigwi da jasperi ni da sardoniya, se wulaho wa nzumani wu ti ranganyetile txikhalo txa wukoma ngu kukhetima ko nga dirigwi da esmeraldha.

Ezekhiyele 28:13

U ti ti maneka Edheni, thembweni ka Txizimu; u fenengetwa ngu otshe marigwi a lisima: I ku sardhoni, topazi, dhayimani, turkeza, onekisi, jasiperi, safira, karbhukulu, esmeraldha, ni nzalama, i ku mthumo wa tingoma tako ni makhombela ako, si ti ti kwako; si nga lulamiselwa ka ditshiku dile u nga vangwa ngu dona.

Ezekhiyele 27:16

Siriya a ti ti xaviselana ni nawe ngu mhaka ya kutala ka si u nga si thuma; sa esmeraldha, so bhilivila, ni so lukwa, ni sa disilika, ni korali, ni kristali, va txi si tisa ka makhalo ako.

Ezekhiyele 10:1

Msana keto, ni to wona ndengalenga ya txitimwi ka misungo ya makerubhima, yi to woneka txitimwi kwawe ni dirigwi da safira, do wonekisa kufana ni txitulu txa wukoma.

Ezekhiyele 1:26

Se txitimwi ka ndengalenga yile yi nga ti ti txitimwi ka misungo ya sona, ku ti ti ni txitulu txa wukoma txo nga dirigwi da safira; se txitimwi ka txile txo fana ni txitulu txa wukoma, ku ti ti ni txo fana ni m'thu, ngu txitimwi ka kona.

Jeremiya 17:1

Txionho txa Judha txi bhatwe mbiluni ngu mtenga wa txikete, wu ku ni tshoka ya dhayimana; txi vatetwe timbiluni kwawe, ni mu ka titxheho ta siluvelo,

Ndando ya Tindando 5:14

Mawoko akwe ma fana ni tiphera ta nzalama ti nga tshuriselwa ngu tidhayimani; mndani kwakwe kufana ni titxheho ta tshofu to tshulelwa ngu marigwi a safira.

Jobe 28:16

Hambi kuxava wutxhari ngu nzalama yo sefwa ya Ofiri, hambi ngu onekisi, mwendo ngu safira.

Jobe 28:6

Marigwi a kona nga wukhalo wa safira, kambe ma ni lithulu la nzalama.

Eksodha 39:11

ka litxhatxha la wumbidi, ku vekilwe dirigwi da esmeralidha, da safira, da dhayimana;

Eksodha 24:10

se va to wona Txizimu txa ka Israyeli, hahatshi ka mikondo ya txona ku ti ni txo nga dirigwi da safira do phatima ku nga nzuma.

Eksodha 28:17

U na veka ka txona sihariketo sa marigwi a mtengo wa hombe, ma di folisilwe ngu ka mune wa titxhatxha; ka litxhatxha lo khata ku na vekwa saridhoni, topazi ni esmeralidha;

Eksodha 28:19

ka litxhatxha la wuraru ku nava ka jasinto, ka agata ni ka ametista;