Eksodha 28:17 - Bhiblia Yo Sawuleka

¹⁷ U na veka ka txona sihariketo sa marigwi a mtengo wa hombe, ma di folisilwe ngu ka mune wa titxhatxha; ka litxhatxha lo khata ku na vekwa saridhoni, topazi ni esmeralidha;

Eksodha 28:17 Referans Kwoze

Ezekhiyele 28:13

U ti ti maneka Edheni, thembweni ka Txizimu; u fenengetwa ngu otshe marigwi a lisima: I ku sardhoni, topazi, dhayimani, turkeza, onekisi, jasiperi, safira, karbhukulu, esmeraldha, ni nzalama, i ku mthumo wa tingoma tako ni makhombela ako, si ti ti kwako; si nga lulamiselwa ka ditshiku dile u nga vangwa ngu dona.

Mavingu 8:11

Nguko i txhuko wutxhari kupinda marigwi a lisima; hambi sotshe si si navetisako, kha si na kufana ni wutxhari.

Malakiya 3:17

Se vona va na va vangu, kuwomba Mkoma wa Mabutho a Tiyimbi, ka dona ditshiku dile ni no maha mthumo wangu, va na va thomba yangu; ni na va divalela, ku nga m'veleki wu a divalelako mwanana wakwe, wu a thumelako.

Sidilo 4:7

Tinganakana ta Jerusalema ti ti basile kupinda gapongo, ti ti basile kupinda ni masi; mimidi ya tona yi ti tshurile kupinda so bomba ngu sona yi txi phatima ngutu ta tinene.

Mavingu 31:10

I mani a nga sikotako kumana msikati wamnene kani? Mtengo wakwe wa pinda ngutu wa marigwi a lisima.

Mavingu 20:15

Ku ni nzalama ni marigwi amangi a lisima; kambe lisima la hombe li ka txisofu txa wuzivi.

Mavingu 3:15

Wutxhari mbunene ngutu kupinda sotshe so navetisa, ni sotshe si u nga sikotako ku si navela, kha si na ku dinganiswa ni wutxhari.

Eksodha 28:11

U na bhala matina a vanana va ka Israyeli aha ka marigwi mambidi, nga ti va bhalisako tona ka marigwi ngu kutxetxeretela, kasi kukhigeta marigwi ma txi tsaniswa ngu sihariketo sa nzalama.

Eksodha 28:9

U na teka marigwi mambidi a onekisi aale u no bhala ka ona matina a vanana va ka Israyeli,

Eksodha 28:16

Txi nava ni mune wa madhawa o fana, ni kuva txi di wuyetilwe kumbidi, txa mpimo wa ku nawuluka ka dianza, kulapha ka kona ni kuanama ka kona.

Eksodha 28:18

ka litxhatxha la wumbidi ku nava ka jaspe, ka safira ni ka dhayimana;