Eksodha 28:12 - Bhiblia Yo Sawuleka

¹² U na veka marigwi a mambidi ha makata ka efodhe, kasi kumaha txialakanyiso txa vanana va ka Israyeli; Aroni a na rwala matina a vanana va ka Israyeli ngu makata akwe a mambidi masoni ka Mkoma, ku txi va txialakanyiso.

Eksodha 28:12 Referans Kwoze

Eksodha 28:29

Ngako Aroni a txi wulela ka wukhalo wo sawuleka, a na teka ngu mbiluni kwakwe matina a vanana va ka Israyeli aale ma nga bhalwa hakhana ngu mapimo, ku no va i di txixambanyo txa kala kupinduka, masoni ka Mkoma.

Joxuwa 4:7

Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”

Mitengo 31:54

Mosi ni Eleyazari, mphaxeli, va to amukela nzalama ya vathangeli mabutho a yimbi ni ya mazana, ve si tisa ka ditenda da msengeletano, kasi kualakanyisa vanana va ka Israyeli, masoni ka Mkoma.

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Levhi 24:7

Ngu txitimwi ka litxhatxha ni litxhatxha, u na veka dibaselo do sawuleka, di na va da mapawu a mningelo wo hiswa, masoni ka Mkoma, ma txi maha txialakanyiso txa kwa mbi gwita.

Mithumo 10:4

Ene ngako a di yi woni a to dhuka ngu kuthava, a txi khene: “Nji txani txi kuho, kani Mkoma kani?” Ngelozi yi txi kwakwe: “Mikombelo yako ni wuha wako si hokile ka Txizimu, se txona txi ku alakanyile.

Luka 1:72

Kasiku e maha wumbilu ka vatate vathu, a txi khumbuka txitumelelano txakwe txo sawuleka.

Luka 1:54

A vhunetete Israyeli, i ku txithumi txakwe, na a txi alakanya wumbilu wakwe,

Isaya 62:6

O Jerusalema! Ni vekile vawoneleli txitimwi ka maguma ako, ava va no mbi malala wusiku ni mitshikari; o anu mi khumbukako Mkoma, mi nga thukeni mi malala,

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Masalmo 89:19

Kale u wombawombile ngu siwoniso ka sithumi sako so thembeka u txi khawe: “Ni ningile mtamo dizambi da ndena; ni fumisile dijaha, ni ngadi sawula hagari ka vathu vangu.”

Eksodha 28:7

Yi na va ni tifita timbidi to rungelwa ka madhawa mambidi, se yi txi patanisiswa toneto.

Eksodha 13:9

Txi nava i di txialakanyiso manzani kwanu, ni ha mbanza kwanu, kasiku Mlayo wa Mkoma wu txi zumba sisofuni kwanu; nguko Mkoma a mi humisile ditikoni ka Egipta ngu dianza da mtamo.

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

1 Vakorinto 11:24

se a di bongile, a to di bhanda, a txi khene: “Asiya i mmidi wangu awu wu no ningelwa ngu kota yanu; mahani tonatiya, mi na ni alakanya ngu tona.”

Eksodha 28:11

U na bhala matina a vanana va ka Israyeli aha ka marigwi mambidi, nga ti va bhalisako tona ka marigwi ngu kutxetxeretela, kasi kukhigeta marigwi ma txi tsaniswa ngu sihariketo sa nzalama.

Dhewuteronome 33:12

Ngu didhawa da Bhenjamini, a ti khene: “Ene njirandwa txa Mkoma, a na humula ngu kuthutha hafuhi kwakwe, Nyatxitimwi a na mfenengeta kala kupinduka, e zumba makatani kwakwe.”

Jobe 31:36

Na tsanisa taku ni ndi na di pakata, ni ndi na di sunga, nga m'bhoti.