Eksodha 28:1 - Bhiblia Yo Sawuleka

¹ U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Eksodha 28:1 Referans Kwoze

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

1 Makronika 6:10

Jowanani a to veleka Azariya; awuwa ngene a nga maha mthumo wa wuphaxeli ka nyumba yile Solomoni a nga ti akile kona Jerusalema.

Dhewuteronome 10:6

Se vanana va ka Israyeli va to khukha konako ha txisimani ka vanana va ka Jahakani va txi ya Mosera. Ka wona wuwa wukhalo ngu kona a nga fela kona Aroni, a txi tshotshwa kona kambe. Mwanakwe, Eleyazari, a to mtsiveta ha wukhaloni ka wuphaxeli.

Mitengo 26:61

Kambe Nadhabhi ni Abhihu va to fa, mbimo yi a nga tisa mndilo wa hahanze ka Mkoma.

Mitengo 2:4

Se dibutho dakwe da yimbi, ni va va nga balwa kwawe: I ti ti 74.600.

Levhi 10:12

Se Mosi a gete Aroni ni vanana va va nga sala, Eleyazari ni Itamari a txi khene: Tekani si si nga sala, sakudya, ka mningelo wo hiselwa Mkoma, mi na si dya si sa tshumbelwa, hafuhi ka txiluvelo, nguko nzimaha so sawuleka.

Levhi 10:1

Nadhabhi ni Abhiyu, vanana va Aroni, mmwani ni mmwani a to teka txikadyana txakwe, e veka kona makala a mndilo, se ngu txitimwi ka ona e veka dibaselo, a txi ya ningela masoni ka Mkoma, ve leka mthetho wu Txizimu txi nga ti va ningile.

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Eksodha 35:19

syambalo sa wukhongeli asile si ambalwako ka mbimo ya mthumo wa wukhongeli, syambalo sa wukhongeli sa mphaxeli Aroni, ni syambalo sa vanana vakwe sa mthumo wa wuphaxeli.”

Eksodha 31:10

syambalo sa wukhongeli, syambalo so sawuleka sa mphaxeli Aroni ni syambalo sa vanana vakwe sa mthumo wa wuphaxeli;

Eksodha 30:30

Ngu ona u na tota Aroni ni vanana vakwe, u txi va sawulekisa kasiku va txi thuma wuphaxeli, va txi ni dhumisa.

Eksodha 29:44

Ina, ni na va ni txi sawulekisa ditenda da masengeletano kumweko ni txiluvelo; ni na sawulekisa kambe Aroni ni vanana vakwe, kasiku va txi thuma mthumo wangu.

Eksodha 29:9

U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

Eksodha 29:1

Ngu tiya u no maha kwawe kasi ku va katekisa ve maha vaphaxeli: U na langa dirole ni tihambana timbidi to mbi na wulima;

Eksodha 28:41

Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

Eksodha 24:9

Mosi, ni Aroni, ni Nadhabhi, ni Abhiyu, ni madhota a mtxhanu wa magumi ni magumi mambidi va to kwela va txi ya mmangoni,

Eksodha 24:1

Msana keto, a to khene ka Mosi: “Kwela u txi ya ka Mkoma, awe ni Aroni, ni Nadhabhi, ni Abhiyu, ni mtxhanu wa magumi ni mambidi a madhota a ka Isareli; se mi na khizama mi di kule.

Eksodha 6:23

Aroni a tekanile ni Elixeba, mwanana wa Aminadhabhe, ndiya ya Nasoni, awu a nga veleka nayo Nadhabhi, Abhiyu, Eleyazari ni Itamari.

Luka 1:8

Sekoko Zakariya, ngako a di ha mthumoni kwakwe ka wuphaxeli masoni ka Txizimu, madingano ni kuruma ka mlayo wa mtxawa wakwe,

2 Makronika 11:14

Nguko Valevhi va lekile makhalo awe o dyisela ka ona ni tithembwe tawe, veya ditikoni ka Judha ni Jerusalema, (nguko Jerobhowamu ni vanana vakwe va ti va vhalela kumaha mthumo wa Mkoma).

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

1 Makronika 23:13

Vanana va Aniramu ngu vava: Aroni, ni Mosi; se Aroni a to sawulwa kasi kusawulekisa Wusawuleki wa Kusawuleka, ene ni vanana vakwe, ngu ha ku si gwitiko, kasi kuhisa dibaselo masoni ka Mkoma, ni ku mthumela, ni kuninga makatekwa ngu ditina dakwe, ngu ha ku si gwitiko.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.

Levhi 7:35

Adiya didhawa nda Aroni ni vanana vakwe, kukhukhela mbimo yi va nga vekwa kuva vaphaxeli va timhamba ka Mkoma.

Levhi 8:1

Mkoma a wombile kambe ka Mosi a txi khene:

Dhewuteronome 18:5

Nguko Mkoma, Txizimu txako, a sawute, hagari ka totshe tihunzu tako, kasi ku e maneka masoni kwakwe, a txi maha mthumo wa wukhongeli ngu ditina da Mkoma, ene ni vanana vakwe, kala kupinduka.

1 Makronika 6:34

mwana Elikana, mwana Jerowami, mwana Eliyeli, mwana Towa,

Masalmo 115:10

Nyumba ya Aroni, themba Mkoma! Nguko ene ngene Mvhuni ni Muvhikeli wako.