Eksodha 27:7 - Bhiblia Yo Sawuleka

⁷ Mipakato u na yi wuletisa amu ka masinda, ati to mipakato yi maneka ka madhawa otshe a txiluvelo, ngako txiluvelo txi txi gulwa.

Eksodha 27:7 Referans Kwoze

Eksodha 30:4

U na txi mahela masinda mambidi a nzalama, ngu hahatshi ka mkhwazi, ka madhawa a kona a mambidi; ka ona u na khweketa mipakato kasi kukota kugula txiluvelo txi txi pakatwa.

Eksodha 25:28

U na maha yona mipakatoyo ya mndonga wa setime, yi txi pendwa ngu nzalama ayi yi no thuma kurwala meza ngu yona.

Eksodha 27:6

U na maha kambe mipakato ya txiluvelo ngu mndonga wa setime, u txi yi bhama ngu koporo.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.