Eksodha 27:21 - Bhiblia Yo Sawuleka

²¹ Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Eksodha 27:21 Referans Kwoze

Mitengo 19:21

Awuwa wu na va mlayo wo mbi gwita kwawe. Awu a no xwayela mati o sawuleka, a txi gwita a na kuwula syambalo sakwe; ni wu a no gwesa mati o sawulekisa ngu ona, a na va a sa sawuleka nene, kala ni minova

Mitengo 18:23

Ngu mhaka yeto, va na thuma mthumo wa ditenda da msengeletano, ve rwala vapune mnandu wawe. Atxiya txi na va txileleto txa kala kupinduka, ka tiveleko tanu, kha si na mbi va ni thomba hagari ka vanana va ka Israyeli.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

1 Samuwele 3:3

Na kambe a di ngadi otete Samuwele, ni dilambu da Txizimu di sanzi kutimeka dithepeleni ka Mkoma, amu ku nga ti ni dibhokiso da Txizimu,

Levhi 16:34

Se atxiya i nava txileleto txo mbi gwita, kasi kuthavisa sionho sa vanana va ka Israyeli, ka sotshe sionho sawe, kumweko ngu dilembe. Se Aroni a to mahisa tona ti Mkoma a nga rumisa tona ka Mosi.

Levhi 3:17

Njileleto txa kwa mbi gwita ka tiveleko tanu, kotshe mu mi no zumba kona: Mi nga dyeni mafura ni ka kudotho, hambi ni mnoha.

Eksodha 30:8

Mbimo yile Aroni a turisako malambu, ni minova a na hisa dibaselo e di tuvikisela. Ku nava dibaselo da mbimo yotshe masoni ka Mkoma, ka totshe tiveleko tanu.

2 Pedro 1:19

Se kambe, hi ngadi ni dipswi do tsana ngutu da vaprofeti, adi mi mahako ta tinene ngu ku di engisa, nga liwoningo li phatimako ha wukhaloni ka txidema, kala mbimo yi ditambo di nota woninga ni nyezi yi yi nota humelela timbiluni kwanu.

Johani 5:35

Johani i ti liwoningo li li turako, li woningako. Se anu mi randile kutsakela kuwoninga kwakwe ngu mbimoanyana.

1 Samuwele 30:25

Kukhukhela ka ditshiku donedo ni kuya masoni ku to mahisa toneto, a to si veka kuva txileleto ni txihena ka va ka Israyeli, kala ka ditshiku da nyamsi.

Eksodha 28:43

Aroni ni vanana vakwe, va na si ambala mbimo yi va wulelako amu ka ditenda da msengeletano, mwendo mbimo yile va tshuketako ha txiluveloni, kuya maha mthumo ka wukhalo wo sawuleka, kasi ku va si mani txionho, va txi fa; atxiya i nava txileleto txa kala kupinduka, ka Aroni, ni ka liveleko lakwe, msana kwakwe.

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Luka 12:35

“Sungani mitshunga siwununi kwanu, mi lumeka malambu anu.

Matewu 4:16

vathu va va nga ti zumbile ditikoni ka kuphuma, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.”

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Masalmo 134:1

Bongani Mkoma, motshenu sithumi sa Mkoma, motshenu mi ku nyumbani kwakwe ko sawuleka, wotshe wusiku!

Mitengo 8:9

U na gela Valevhi ti to ve tshuketa masoni ka ditenda da msengeletano, se u na tshanganisa votshe vanana va ka Israyeli.

Levhi 24:9

Si na lumba Aroni ni vanana vakwe, va na dyela ha wukhaloni ko sawuleka; nguko nzilo so sawuleka, ngutu ka sile si mahelwako Mkoma, si lumba vona; mlayo wuwa mbwa kwa mbi na magwito.

Levhi 24:3

Aroni a na si txhatxhameta masoni ka Mkoma yotshe mbimo, kukhukhela ni minova kala mangwanani ka kona ni mixo, ngu hahanze ka txibhiya txa ditenda da msengeletano; mlayo wuwa wu fanete ku va ho yotshe mbimo, ka tiveleko tanu.

Levhi 3:8

Se u na sanzeka dianza dako ha msungo, ka txihari txi u txi ningelako, u txi txi wila mkolo, hafuhi ka ditenda da msengeletano; se vanana va Aroni va na xwayela ngu mnoha wa txihari kotshe madhawani ka txiluvelo.

Eksodha 40:3

U na veka ka yona dibhokiso da txitumelelano kambe u na fenengeta ngu nguwo ya m'jiyo.

Eksodha 30:36

u na kuya di txi maha lifenyenye u txi di veka masoni ka ditenda da msengeletano, ahale ni no ya manana kona ni nawe. Txingema txiya, kwanu, txi na va i di txingema txo sawuleka ngutu.

Eksodha 29:44

Ina, ni na va ni txi sawulekisa ditenda da masengeletano kumweko ni txiluvelo; ni na sawulekisa kambe Aroni ni vanana vakwe, kasiku va txi thuma mthumo wangu.

Eksodha 29:42

Awuwa mningelo wa mhamba yo hiswa wu na va wa mbimo yotshe awule wu no mahwa ngu nganu ngu liveleko ni liveleko ha txikeni ka ditenda da msengeletano, masoni ka Mkoma, ka wukhalo wule ni no tshangana ni nanu kasiku ni womba-womba ni nawe.

Eksodha 29:28

Atiya ti nava mthetho wo mbi na magwito, awu Aroni ni vanana vakwe va no wu amukela ngu ka vanana va ka Israyeli, nguko i mningelo wa hombe; wu na va mningelo wu va ka Israyeli va no wu maha kasiku dhumisa Mkoma, ngu txitimwi ka miningelo yawe ya miphaxo yo thutha.

Eksodha 25:16

Msana keto, u na veka Txifakaziso txi ni no kuninga aha ka dibhokiso.

Eksodha 16:34

Nga ti Mkoma a nga leletisa tona ka Mosi, Aroni a to veka txikadyana masoni ka dibhokiso da txixambanyo, ti to txi txi veketwa.

Genesisi 1:8

Se Txizimu txi to raya mpfhuka ditina daku i nzuma; se di to swa, ditxa: Ditshiku da wumbidi.

Genesisi 1:5

Se Txizimu txi to raya kuwonekela ditina daku Mitshikari; ani txidema txi to txi raya ditina daku Wusiku. Se di to swa, ditxa: Ditshiku do khata.

Levhi 24:2

Gela vanana va ka Israyeli tito, ve kutisela mtona wa wunene, wa miolivha, wo rukutwa wa txipande txa malambu, kasiku wu txi thelwa amu ka malambu, me tura yotshe mbimo.

Mitengo 18:5

Mi na xayisa siya sa wukhalo wo sawuleka, ni mthumo wa txiluvelo, kasi ku si maneki kambe txiviti txo wukela vanana va ka Israyeli.

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

Eksodha 30:21

Va na samba manza ni mikondo kasi va si fi. Awuwa wu na va mthetho wo mbi gwita, kwakwe Aroni ni ka situkulwana sakwe, ni ka liveleko ni liveleko.”

Levhi 6:15

Se a na tata dianza ngu mpupu wa wunene wa mningelo, ni mtona wa kona, ni dotshe dibaselo di di ku txitimwi ka mningelo wa sakudya; sekoko e wu hisa ha txiluveloni; ewo mbwo bhumula, ngu ku va i di wa txialakanyiso ka Mkoma.

Levhi 7:36

Ngu tiya Mkoma a nga leleta ka va ka Israyeli, ti to ve ninga vaphaxeli, kukhukhela ka ditshiku dile va nga totwa ngu dona; awuwa mlayo wa kwa mbi na magwito, ka situkulwana.

Levhi 10:9

Ngako awe ni vanana vako mi txi lava kuwulela ditendani ka msengeletano, mi nga seleni vhinya, hambi ni simwani so sela si si levisako, nguko mi nga fa. Awuwa mlayo mbwo kala kupinduka, ka sotshe situkulwana sanu.

Levhi 17:7

Va nga engete kambe va txi maha mningelo wa mhamba ka madhimoni, va nga ti ti patile nawo, va txi maneka va si thembeki. Awuwa mlayo wa kala kupinduka, ka lotshe liveleko lakwe.

Levhi 23:14

Mi nga dyeni mapawu, hambi fulaho yo katingwa, mwendo miburu, kala donedo ditshiku mi no va mi txi tisa mningelo, wa nyanda yo ndiwitela, ka Mkoma, Txizimu txanu; awuwa mthetho mbwa yotshe mbimo kala kupinduka, ka liveleko ni liveleko la ka kwanu, kotshe mu mi no maneka mi di akile kona.

Levhi 23:21

Mi fanete mi ramba msengeletano wo sawuleka, mi si mahi ni wawumwewo mthumo wo nemela. Ewo mthetho wa lisima yotshe mbimo, ka sotshe situkulwana sanu, hani ni hani mi no maneka mi txi aka kona.

Mitengo 35:29

Timhaka tiya ti nava i di mthetho wo dingana tiveleko tanu, kotshe amu mi no ya zumba kona.