Eksodha 27:2 - Bhiblia Yo Sawuleka

² Amu ka mune wa makhona u na wumba mune wa titshulu, ati ti no ñolana ni txiluvelo, ti txi maha txiwumbeko tximwetxo, u txi bhama ngu koporo.

Eksodha 27:2 Referans Kwoze

Masalmo 118:27

Mkoma ngene i ku Txizimu, ene ngene a hi woningako! Khatani kumaha mibuso, mi txi longoloka mi di ñote matshanzu, kala kuhoka txiluveloni.

1 Vafumeli 1:50

Adhoniya a to salisa ngu txithavo ka Solomoni, e khukha a txi ya ñola titshoka ta txiluvelo.

Levhi 4:7

Mphaxeli a na totela ngu mnoha titshoka ta txiluvelo, ahawa ku hiselwako kona dibaselo ngu masoni ka Mkoma, mu ka ditenda da msengeletano, se a na thela mnoha wu wu nga sala wa dirole, aha ka txiluvelo, txa miningelo yo hiswa, txi ku ngu ha txikeni ka ditenda da msengeletano.

Eksodha 29:12

U na teka mnoha wa wudotho wa dirole u txi wu tota aha ka magwito ka makhona a txiluvelo ngu litiho, a wu wu no sala u na wu theketa hafuhi ka txiluvelo.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

1 Vafumeli 8:64

Ka dona ditshikwedo da dimwedo, mfumeli a to sawulekisa mtendela wa masoni ka Nyumba ya Mkoma; ngu konaho a nga lulamisela kona miphaxo ya kuhiswa ni miningelo, kumweko ni mafura a miphaxo ya kuthutha; nguko txiluvelo txa koporo txi nga ti masoni ka Mkoma, i ti ti txidotho, txi si eneli ku mahela kona miphaxo yo hiswa, ni miningelo, ni mafura a miphaxo ya kuthutha.

1 Vafumeli 2:28

Nduma ya kona yi to hoka ka Jowabhi (nguko Jowabhi a ti ti pengile e londeta Adhoniya, hambiko a nga sa londeta Absalome), se Jowabhi a to tutumela ditendani ka Mkoma, eya ñola ngu titshoka ta txiluvelo.

Levhi 16:18

Ngako a di humile, a na ya ka txiluvelo txi txi ku masoni ka Mkoma, a di ni mnoha wa dirole ni wa mabhongwe, e xwayela ngu wona titshokata madhawani ka txiluvelo.

Levhi 8:15

Se Mosi a to wila thamo ya txirolyana; e nakanisa litiho mu ka mnoha, se e totela ngu wona ka madhawa a txiluvelo, ngu kurendelekisa, kasi kusawulekisa txiluvelo. Mnoha wu wu nga sala, a to wu thela hafuhi ka txiluvelo, e txi sawulekisa, ti to mhamba yo kuwula txionho yi txi mahelwa konaho.

Levhi 4:25

Mphaxeli a na teka ngu litiho mnoha wa mabhongwe wu va nga maha ngu ngene mhamba yo kuwula txionho, e tota ngu wona ha ka titshoka ta txiluvelo txa mhamba yo hiswa; sekoko mnoha wu wu nga sala a na wu thela hafuhi ka txonetxo txiluvelo txa mhamba yo hiswa.

Levhi 4:18

Se ngu wona mnoha wule, a na totela titshoka ta txiluvelo txi txi ku ngu masoni ka Mkoma, ngu mndani ka ditenda da msengeletano. Wumwani mnoha a na wu thela ha txiluveloni ka mhamba yo hiswa, txi ku ngu masoni ka ditenda da msengeletano.

Eksodha 27:3

U na maha kambe simbiyana so na ola ngu sona dikhuma, mafoxola, mabhaziya, tifoloko ni sikho, sotshe simaheso u na si maha ngu koporo.

Mitengo 3:31

Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.

2 Vafumeli 16:14

Aniko txiluvelo txa koporo txi nga ti ti masoni ka Mkoma, a to txi thavisa masoni ka nyumba, yi ku hagari ka txiluvelo ni Nyumba ya Mkoma, e txi veka didhawani ka txiluvelo txakwe, ngu wutxani.

2 Makronika 4:1

Solomoni a to maha txiluvelo txa koporo atxi txi ku ni magumi mambidi a mikono, kuanama ka txona ku ti ti hoka magumi mambidi a mikono yi di ni digumi da mikono ya kulapha kuya txitimwi.

Ezekhiyele 43:15

Ni Txikho txa mune wa mikono; se kukhukhela ka txikho kala txitimwi, ku ti ti ni mune wa titxheho.

Zakariya 9:15

Mkoma wa Mabutho a Tiyimbi a na va vhikela; se va na dya msana ka kuva va di xute valala ngu marigwi a txibhalakaza; kambe va na sela ve maha diguwa nga va to leviswa ngu vhinya; se va na tala nga majingo txiluveloni.

Eksodha 38:30

Ngu koporo kumahilwe mitshunzuti ya txike txa ditenda da msengeletano, txiluvelo txa koporo ni simaha sotshe sa txiluvelo,